Талас облусунун Бакай-Ата районундагы маданият үйүнүн алдында 20 адамдын айкели орнотулуп, анын ачылышы 10-ноябрда болуп өттү. Алардын арасында Апрель революциясынын баатыры Алиясбек Алымкуловдун эстелиги да бар. Иш-чарага Алиясбек Алымкулов өзү да катышып, эстелигин өзү ачкан. Учурда бул окуя коомчулук тарабынан катуу сынга алынып жаткан кези.
Орнотулган эстеликтер боюнча Бакай-Ата районунун акими Чолпон Төрөкулов: "Эстеликтерди орнотуунун демилгечиси эл. Аларды тургузууга корогон каражатты эстелиги орнотулган атуулдардын жакындары жана коомдук уюмдар чыгарган. Жалпысынан 2 миллион сом акча сарпталган", - деди.