Орусиянын Москва шаарында коңшу өлкөнүн жараны жасалма кыргыз паспорту менен кармалганын ИИМдин маалымат кызматынан 12-ноябрда кабарлашты. Маалым болгондой, коңшу республиканын Б.А. аттуу жараны такталбаган жактар менен сүйлөшүп, өзүнүн атына паспорт алып Орусия аймагында колдонуп жүргөн.
Ага Орусиянын Кылмыш-жаза кодексинин 327-беренесинин 3-бөлүмү (жасалма документтерди колдонуу) менен кылмыш иши козголгон.
Азыркы учурда жасалма паспорт даярдоого тиешеси бар адамдарды аныктоо боюнча ыкчам изилдөө жана тергөө иш-чаралары жүрүүдө.