Экс-депутат Асия Сасыкбаева: "Бийликтин элге каршы иш-аракеттерине тап бере турган күч жок болсо мамлекет өнүкпөйт"

Акыркы убакта оппозициялык күчтүн жоктугу саясий кризиске алып келери талкуу болуп жатат.

SUPER.KG порталынын "Өлкөдө күчтүү оппозициянын жоктугу кандай жыйынтыкка алып келиши мүмкүн?" деген соболуна Жогорку Кеңештин экс-депутаты Асия Сасыкбаева жооп берди.

Ал күчтүү оппозиция жок болсо бийликти көзөмөлдөгөн киши жок болот деген пикирде.

“Бийликке сын айткан күч жок, алардын элге каршы иш-аракеттерине тап бере турган күч жок болуп калса мамлекет өнүкпөй, кайра артка кетет. Бүгүнкү күндө расмий оппозицияда “Ата Мекенден” башка фракция жок. “Өнүгүү-Прогресс” фракциясы оппозицияда, бирок алар унчукпайт. Алардын оппозициялык ишин көрбөй жатабыз. Күчтүү оппозиция жок болуп жатат. Сырттагы оппозициялык күчтөр чогулуп башташты”, - деди Сасыкбаева.

Жогорку Кеңештин депутаты Мирлан Жээнчороев, саясатчылар Адахан Мадумаров, Азимбек Бекназаров, саясат таануучу Даниел Кадырбеков, жарандык активисттер Адил Турдукулов, Айбек Мырзанын пикири бул шилтемеде.