"Тез жардам" кызматы: "Бишкекте бейтап аялдын мас абалындагы күйөөсү фельдшерди сабады"

Бишкекте "Тез жардам" чакырган аялдын мас абалындагы күйөөсү фельдшерди сабады. Бул маалыматты "Тез жардам" борборунун башкы дарыгери Искендер Шаяхметов тастыктады.

Маалыматка караганда, Калыс-Ордо жаңы конушуна "Тез жардам" кызматына чакыруу 19-ноябрда саат 23:50дө келип түшкөн. Кызмат саат 1:09да бейтапка барган.

"Жаран тамагы ооруп, дене табы көтөрүлүп кеткен. Ал күндүз аймактык поликлиникага барып көрүнгөн учурда дарыгер тиешелүү дары-дармектерди жазып берген. Бирок өз убагында дарыларды ичпегендиктен абалы начарлаган. Фельдшер өз кеңешин берип үйдөн чыгып келе жаткан маалда бейтаптын мас абалындагы уктап жаткан күйөөсү туруп фельдшерге кол көтөргөн. Ал кызмат кеч келгенин айтып нааразы болгон. Унаага отурайын деп жаткан маалда да дарыгердин артынан чуркап барып уруп баштаган. Айдоочу экөөнү ажыратып милиция кызматын чакырган", - дейт Шаяхметов.

Окуя болгон жерге келген милиция кызматы үчөөнү тең наркология бөлүмүнө алып барып текшерген. Жыйынтыгында "Тез жардам" кызматынын фельдшери жана айдоочусу соо экени, ал эми аларга кол көтөргөн адам мас абалында экени аныкталган.

Шаяхметов белгилегендей, окуя муну менен эле бүтүп калган эмес.

"Көп өтпөй милициянын нөөмөттөгү капитаны диспетчерлерге чалып "Тез жардам" кызматы атайын кеч келерин жана чыр-чатакты ошолор уюштурарын билдирип күнөөлөгөн.

Мени таң калтырганы өз кызматын так аткарып жаткан биздин кызматкерлерге кол салуу болуп жатса, буга күнөөлүү адамды кармагандын ордуна аны коё берип эле тим болбостон кайра чалып бизди күнөөлөгөнү болду", - деп билдирди башкы дарыгер.

SUPER.KG порталы бул боюнча нөөмөттөгү милиция кызматкеринен жана фельдшерди сабады делген тургундан пикир алып жарыялоого даяр. Учурда тиешелүү тараптар менен байланышуу аракети жүрүп жатат.

жаңыланды 23:57 20-11-2018
кошулду 17:16 20-11-2018

Бишкекте жардамга кечигип келген дарыгер сабалды

Автор: Айзада Тураркулова

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 414 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 863 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 692 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 680 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 531 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 1017 0

Архив

Комментарийлер (7)

Rifle_I

2018-11-20 11:30:26

Маңкурттуктун туу чокусу. Биздин медицина баткакка батып отурат. Себеби элден эч кандай колдоо жок. Жакында элди дарылаганга дарыгер жок болот. Айласыздан акча төлөп частный мед.центрге кайрыласыңар. Элдин жаман мамилесинен мен дагы кеттим мам.ооруканадан. Азыр кубанычтамын, частный фирмада иштейм .

-4

Frunze2

2018-11-20 11:34:59

Милициянын капитаны оз милдетин билбейт экен. Кайсы закондо ушундай кылууга болоору корсотулуптур. Мындай капитанды жумуштан айдоо керек чининен ажыратып...

Капитан тергоочу болбосо, тез жардам болумуно чалып "силер куноолуусунор" деп айтууга ага ким укук берди?!!

Жумуштан бошотулсун мындай капитан!!!

Bars88

2018-11-20 11:43:12

Тез жардам деген эле аты бар.Мен 2 балам ооруп чакырсак 4 саатта келген келип алып дагы суйлонот кундузу врачынарга барбайсынарбы туну чакырбай деп

Дарыгер

2018-11-20 12:32:55

Bars88, силердин кызматы. Суйлонбой милдетинерди аткаргыла дегиле. Биздин тологон налогтон алар айлык алып иштешет. Ал Эми аларга кол которгондук жапайычылык. Мен Бир жолу чакырып тунулгом. Диагноз кое алышпайт. Баргыла жолунарга тушкуло дегенмин.

bond02

2018-11-20 11:55:18

Эми тез жардам кызматы чакыруу тушкондо уйдо мас киши жокпу деп сурап анан барып калат го дейм.

Janna07

2018-11-21 00:08:46

Ырас кылат тез жардамдагыларды, мынданда батарин корсотуш керек аларга

bessmertiy

2018-11-21 08:55:18

Башына тушпосун. Башына тушуп жанын кыйналганда андан батар болуп журбо.

Комментарий калтыруу үчүн өз ысымыңыз менен кириңиз же каттоодон өтүңүз.