Бишкек шаарында "абаны булгап жатышат" деген жүйө менен менчик мончолорго рейд жүрүүдө

Тектеш кабарлар: Бишкекте абанын булганышы чектен ашып жатат (124 материал)

Акыркы 4 сүрөт инернеттен алынган, талкуу жараткан сүрөттөр.

Бишкек шаарында "абаны булгап жатышат" деген жүйө менен менчик мончолорго рейд жүрүүдө. Бишкек шаардык мэриясынан билдиргендей, мончо иштеткендер жылытыш үчүн ар кандай чүпүрөк, дөңгөлөк, тигүү цехтеринен чыккан калдыктарды жагышат.

"Муниципалдык башкармалыктын демилгеси менен Октябрь районунда менчик мончолорго рейд жүргүзүлдү. Бул рейд санитардык-экологиялык инспекциянын, өрт кырсыгынан куткаруу кызматынын өкүлдөрү жана №6 аймактык муниципалдык башкармалык менен биргеликте жүргүзүлгөн. Текшерүүнүн алкагында тигүү цехтеринен чыккан калдыктарды жагып жылытылган мончолор табылды. Аларга административдик укук бузуу фактысы менен протоколдор толтурулду. Бул багыттагы иштер дагы да уланат", - деп билдирди шаардык мэриянын басма сөз кызматы.

Бишкек шаардык мэриясы шаардын аба катмары булганып жаткандыгына байланыштуу өндүрүштүк таштандыларды жана башка зыяндуу заттарды өрттөбөө керек экендигин эскертет. Эгер тургундар тарабынан мындай факты катталса административдик жазага тартылат.

Кошумчалай кетсек, акыркы мезгилде Бишкек шаарынын аба катмары нормадан 20 эсеге ашык булганып жатканы коомчулукка жарыяланып, талкууланууда. Кыргыз жериндеги "МувГрин" жаштар кыймылынын маалыматы боюнча суук түшкөндөн бери Бишкектин абасынын булганышы мурдагыдан да күчөгөн.

16:20 20-11-2018

Автор: Гүлжан Асанкожоева

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 372 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 787 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 644 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 620 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 486 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 966 0

Архив

Комментарийлер (6)

Mikra

2018-11-20 16:44:57

С.Пригородный ж.в Умуттода ушундай жеке банялар жана жеке тигуу цехтери аябай коп.Банядагылар цехтерден келишим тузуп алышып мешок мешок чупурок сапырактарын алып жагышат.Умуттун айрым кочолору корунбойт банянын капкара тутундорунон.келип текшерип кетсениздер жакшы болот эле.

make2

2018-11-20 18:32:32

Баняны текшергенче ар бир машинаны текшериш керек

-2

Baatirbek81

2018-11-20 19:18:01

Мындай иш чараларды жайкысын деле текшерип турса болот эле да жыл сайын кыш келгенде кыймылдап каласыңарда күн жылыганда жоголуп кетесиңер.

barakcha

2018-11-20 20:29:32

Азаматсынар.Калктын ден-соолугу биринчи орунда туруш керек!Эми мончонун ээси бекер тушуром мончого десе алданып калбай протоколунарды тузуп штраф салгыла.

Atas

2018-11-20 22:12:20

Бул ото орчундуу маселе экологияга аяр мамиле кылбасак 5, 10 жылда кытайдын абасындай болот Экологдор жетишпейт , жыйнтыктуу иштер ото аз

volk27

2018-11-20 22:14:19

Рейд 1000сом турат ашып кетсе

Комментарий калтыруу үчүн өз ысымыңыз менен кириңиз же каттоодон өтүңүз.