Бишкекте Тариел Орозбай уулу аттуу сүйлөй албаган жаран дайынсыз болуп изделүүдө

Бишкек шаарынын Свердлов райондук ички иштер бөлүмү 1992-жылы туулган Тариел Орозбай уулу аттуу жаранга издөө салынарын жарыялады.

Тариел Орозбай уулу ушул жылдын 20-ноябрында үйдөн чыгып кеткен боюнча дайынсыз болууда.

Изделип жаткан адамдын белгилери: бою 165-170 сантиметр, арык дене мүчөлүү. Ошол күнү үстүнө кара түстөгү күрмө, кара топу, кочкул-көк түстөгү спорттук шым жана бутуна кара бут кийим кийип жүргөн.
Өзгөчө белгилери: Орозбай уулу сүйлөй албайт.
Эгер жогорудагы жаранды көргөн же билгендер болсо Свердлов РИИБине, (0553) 102-387, (0772) 05-20-00, (0702) 49-88-88, (0552) 102-743, (0706)32-62-62 телефон номерлери аркылуу байланышууну сурайт.