"Барселона" футболдук клубу 2021-жылга чейин "Ливерпулдун" оюнчуларын сатып ала албайт

"Барселона" футболдук клубу 2021-жылга чейин "Ливерпуль" клубунда ойногон футболчуларды сатып ала албайт. Бул тууралуу чет элдик маалымат каражаттары жазып чыгышты.

Маалыматка караганда, мындай жагдайлар бразилиялык оюнчу Филипе Коутиньонун "Ливерпулдан" "Барселонага" өткөн келишиминде жазылган.

"Барселона" келе жаткан 2 сезондун ичинде "Ливерпулдун" оюнчуларын сатып ала албайт. Англиялык клуб мындай чечимге каталондуктар бир нече жолу алардын мыкты оюнчуларын сатып алгандан кийин келген", - деп жазылат маалыматта.

Белгилүү болгондой, испаниялык "Барселона" буга чейин "Ливерпулдан" Луис Суарести сатып алышкан. Ал эми Филипе Коутиньону "Барселона" 2018-жылдын январь айында 160 миллион еврого сатып алган. Клуб менен футболчунун ортосундагы келишим 2023-жылга чейин түзүлгөн.