Жалал-Абаддагы бала бакчада балдарды урган тарбиячы: "Жардамчым менден ушундай жол менен өч алды"

Интернетте бала бакчада тарбиячы кичинекей балдарга кыйкырып, урган видеосу тарап, кызуу талкуу жараткан. Бүгүн, окуя Жалал-Абаддагы №21-бала бакчада орун алганы аныкталып тарбиячы менен жардамчысы иштен алынды. Ошондой эле тарбиячынын үстүнөн ата-энелердин бири милицияга арыз менен кайрылды. Ал видеодогу Ширин аттуу тарбиячы менен SUPER.KG порталы байланышканда, окуянын чоо-жайын айтып, балдарды "сабаган эмесмин" деди.

"Менин бала бакчада иштегениме 5-6 жыл болуп калган, мындан 3-4 ай мурун мага жардамчы кыз келген. Анын жашы жете электигине байланыштуу ага балдарды кандай караш керектигин үйрөтүп, акыл-насаатымды айтчумун. Бирок ал кыз такыр баш бербей койду. Балдар кичинекей болгондуктан айрым учурларда алар шымын булгап коюп жуунтууга туура келчү.

Жардамчым муздак сууга жуунтуп, айрым балдардын денеси көгөрүп калганын айтып жетекчиге киргем. Бирок эч кандай натыйжа болгон жок, анын жаштыгына шылтап, үйрөнүп кетет деп тим болушту. Мен акыры чыдабай аны жумуштан кетиргиле дегенге чейин баргам. Бирок анда да жыйынтык болгон жок, ошондо өзүм иштен кетем деп кирдим. Бирок мага жетекчибиз "айлыгыңды көтөрүп беребиз, бизге керексиң" деп болбой алып калган. Бул нерсеге жаш жардамчым жиндеп, кек сактап калган экен. Көптөн бери мени жашыруун видеого тартып жүрүп, анын баарын кураштырып монтаждаптыр. Мындай айтканда менден ушул жол менен өч алды көрүнөт", - дейт тарбиячы.

Белгилүү болгондой, окуя Жалал-Абаддагы №21-бала бакчада орун алган. Милицияга арыз менен кечээ, 21-ноябрда Жалал-Абад шаарынын Дилфуза Д. аттуу тургуну кайрылып, анын 3 жаштагы кызын тарбиячысы урганын билдирген. Учурда бул факт боюнча иликтөө иштери жүрүүдө. Видеону жөнөткөн адам тарбиячы тарабынан мындай жүрүм-турум адатка айланганын айткан.

жаңыланды 07:36 23-11-2018
кошулду 23:46 22-11-2018

Жалал-Абаддагы бала бакчада тарбиячы кичинекей балдарга кыйкырып, урган видеосу тарап, ал иштен алынды

Автор: Мальвина Уметбекова

Жазылуу

РУБРИКАДАГЫ СОҢКУ КАБАРЛАР

22:00 2024-04-23 | Саясат

Акылбек Жапаров Орусиянын Ленинград облусунун губернаторун кабыл алды 431 0

21:29 2024-04-23 | Саясат

Бишкек мэри коомдук транспорттон күнүнө канча акча түшөрүн айтты 1127 0

20:57 2024-04-23 | Кылмыштар, кырсыктар

"145 миң долларга алдап кеткен". Бишкекте iPhone үлгүсүндөгү телефондорду алып, из жашырып кеткен жаран кармалды 898 0

20:14 2024-04-23 | Саясат

Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду 330 0

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 782 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 435 0

Архив

Комментарийлер (18)

Benazir08

2018-11-22 17:50:29

Не дейбиз эми анча сынча болуп турат кантип эле иштен кетем деп киресин кор оокатты ошол мн жашап атсан тынч эле бололучу мындайлар толтура жанин чыкканда саласын да ата энелер да анги эшек анча сынча бала деген таяк жеп чоноет. Андайга жол бербесен озун бак

-20

CEO1

2018-11-22 18:25:50

Benazir08, Уруп токмоктой берсин деп эч ким баласын бала бакчага бербейт. Уруп токмоктой берсе, ХХХХХХХХХ Буга окшоп наристелерге кол которгон тарбиячыларды иштен кетирип тим болбой камаш керек!!!

+20

newman

2018-11-23 11:03:01

Benazir08, анча мынча токмокту мектептеги балдар жесе болот. Биз деле токмок жегенбиз мектепте. Бирок бала бакча болбойт!

Evet13

2018-11-22 17:56:00

Бала мин жолу соз укпай, ээнбаштык кылсп да минтип урганга акысы жок. Видеодо корунуп эле турбайбы жон эле турган наристеге кол которуп жатканы. Мындай нерсеге коз жумганга болбойт.

+21

baihan07kenjetaev

2018-11-22 18:10:14

Менин баламды ушинтип бирөө жарым чаап көрсүн, билбейм эмне кылмакмын, бул катындын кандай акысы бар бирөөнүн баласын чапканга, эчкандай монтаж болбой эле тартылып турат, ХХХХХХХ ХХХХХХ ушундай ХХХХХХ кудай сактасын.

+18

Jasa

2018-11-22 20:10:42

baihan07kenjetaev,турмону бир корсотуш керек

Respect.

2018-11-22 18:30:33

Тарбиячы жардамчысы баш болуп бала-бакчада иштегенге укугуңар жок! Силерге ишенген ата-энелер жүрөт го, балдарым жакшы жерде тарбия алып жатат деп. Силердин тарбияңар болсо ушул...

Jasa

2018-11-22 18:33:52

Мектеп убагында болсо мейли дейсин соз укбаса урушкандыр деп,а садикке 5 жашка чейинки малыштар барат да мээси жок антбейсинби деп урушкудай ал сага чон адам беле,жумушка алып атканда текшериш керек.Мындай нервиннаялардан кандай тарбиячы чыгат,катуу чара коруп жок дегенде 50ти токтурсун мамлекетке,башкасына сабак болот

Jasa

2018-11-22 18:45:05

Апалар балдарды козомолго алгылачы сураныч школдо кандай журот,эжейи кандай диалог кылгыла келгенде ошондой эле садикте кечке балдар эмне менен алек,эмнени уйронуп келди,настрениеси кандай,балким садиккке барбайм деп ыйласа конул бурбаган чыгаарсыз бала да деп а жогорудагы тарбиячыга балдар эмес чон адамдын психикасы бузулат да

momun74

2018-11-22 19:55:26

мен сурап турам эмне жединер эмне уйротту деп арасында силерге эженер жагабы де кечке кыйкыра береби деп балдарым 4жарым жашта айтышат ал эми кичинерак болсо айта алышпайтда байкуштар

Jasa

2018-11-22 20:14:45

momun74,меники 5те сурасан баарын айтат,россияда болгон учун,черный деп кандай мамиле жасайт деп чочуркап сурап турам да,бирок
Чачын турлоп причоска кылып уйго жонотсо суйунуп калам анан жонойм бодаркаларды которуп,кыскасы ар бир ата эне катуу козомолго алыш керек,ох кетти кулагым тыынч дебестен

Totyua.71.

2018-11-22 20:28:09

Жардамчысы да иштен алынат...жаш балдарды урса зээниң кейийт экен..

tynara81

2018-11-22 23:12:53

Монтаждалган деп эле танып атат экен. Монтаж, монтаж эмес экенин ажырата албагыдай элди келесоо ойлойт окшойт ал.

4ika1989

2018-11-23 04:54:12

Кылгылыкты кылып алып эми актанасында монтаждаптыр деп, уят эмеспи, ушул бөбөктөр себепчи болуп сен ошол жерден бала чака багып жатасың, раз тарбиячы болуп иштегенден кийин баарына чыдаш керекда, балдарды бекер караган жоксунго, өзүңдүн балаңды коюп көрсөң эмне абалда каласың, туура эле кылыптыр арыз жазып.

gulmi

2018-11-23 07:46:02

Саясатчылардан уйронуп алышканын))))монтаж,оч алуу, чындыкты айтканым учун очун алып жатат деп.Жардамчысына рахмат ата-энелерге айтып,жузун ачканына

nur0202

2018-11-23 11:22:50

ХХХХХХХХХ Баарыле корунуп турбайбы.Алдагы жаш балдарды урган колун шал басса экен.

TIMON_BERKOWITZ

2018-11-23 17:04:00

Тим эле ичегисин чубап салгансып жамандайсыңар го?)))
Көрдүм видеосун. Башка чаап койсо эле соттой бересиңерби? Ошончо балага чыдаган эжеге рахмат. Менин баламды ошентип чапса маладес демекмин. Кыздарга окшобой эркек болуп чоңоюшат.
ХХХХХХХХ

admin_superstan

2018-11-23 17:43:23

TIMON_BERKOWITZ, порталдын башка колдонуучуларын кемсинтип, мазактап, жеке айтышууларга провокация жаратпаңыз! Эскертүү!

Комментарий калтыруу үчүн өз ысымыңыз менен кириңиз же каттоодон өтүңүз.