super.kg logo
  Саясат  

Жогорку Кеңештин депутаты Музаффар Исаков мандатынан ажыратылды

 

Жогорку Кеңештин депутаты Музаффар Исаков мандатынан ажыратылды. Мындай чечимди бүгүн, 26-декабрда Борбордук шайлоо комиссиясы кабыл алды. Бул тууралуу аталган комиссиянын басма сөз кызматы билдирди.

24-декабрда Музаффар Исаков мандатын тапшыруу боюнча БШКга арыз жазган.

2017-жылдын 13-февралында башкы прокурор тарабынан Музаффар Исаковго карата "коррупция" беренеси боюнча кылмыш иши козголгон.

Маалыматка ылайык, Исаков Жалал-Абад облусунун Сузак районундагы Таш-Булак айыл өкмөтүнүн башчысы болуп турганда 315 мыйзамсыз токтом чыгарган. Ал 2010-2015-жылдар аралыгында райондук архитектура жана Мамлекеттик каттоо кызматкерлери менен жең ичинен сүйлөшүп алып 14,34 гектар айыл чарба багытындагы жерди жеке курулуш иштерин жүргүзүүгө берген деп айыпталууда.

БШКнын төрайымынын орун басары Абдыжапар Бекматов билдиргендей, КСДПнын тизмеси боюнча кезекте Өмүрбек Бакиров турат. Ал Жогорку Кеңештин V чакырылышында "Ата Журт" фракциясынан депутат болгон.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
121191;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: