super.kg logo
  Спорт  

Азия Кубогу-2019: Тайпалык оюндардын 1-туру жыйынтыкталды. Кайсы өлкөлөр алдыда келе жатат?

 

Бириккен Араб Эмираттарында өтүп жаткан Азия Кубогунун тайпалык баскычынын 1-туру жыйынтыкталды. Алгачкы оюнда үй ээлери Бахрейн курамасы менен тең чыгып калса, Азиянын учурдагы чемпиону Австралия Иордания өлкөсүнө жеңилип калды. Калган беттештерде негизинен фаворит аталган командалар жеңишке жетишип, 1-турдун эң ири эсеп айырмачылыгы 5:0 менен аяктаган Иран-Йемен беттешинде катталды.

Ал эми Кыргыз өлкөсү Кытай менен болгон беттеште оюндун алгачкы бөлүгүндө мыкты оюн көргөзүп алдыга чыга алса, 2-бөлүктө дарбазачынын катачылыгынан улам 2:1 эсебинде жеңилип калды. Бул жыйынтык Кыргыз курама командасынын плей-офф баскычына чыгуу мүмкүнчүлүгүн оорлоштурганы менен, толук түрдө жокко чыгарган жок. Беттешке катышып жаткан 24 команданын 16сы жарым чейрек финалга аттанат. Бул өңүттөн алып караганда улуттук курам тайпадан 3-орунду алып калса дагы плей-оффко чыгуусу ыктымал.

А тайпасы

Индия - 3 упай;

Бахрейн - 1 упай;

Бириккен Араб Эмираттары - 1 упай;

Таиланд - 0 упай.

Бириккен Араб Эмираттары Бахрейн курамасы менен 1:1 эсебинде тең чыгып, 1ден упайга ээ болушса, Индия 4:1 эсебинде Таиландды жеңип, 3 упайга ээ болду.

В тайпасы

Иордания - 3 упай;

Палестина - 1 упай;

Сирия - 1 упай;

Австралия - 0 упай.

Азырынча эң сенсациялуу оюн В тайпасында орун алды десек болот. 2015-жылдагы Азия Кубогунун жеңүүчүсү Австралия өлкөсү 0:1 эсебинде жеңилүү менен Иордания курамасына 3 упай тартууласа, Палестина жана Сирия командалары 1:1 эсебинде тең чыгуу менен жыйынтыкталды.

С тайпасы

Кытай - 3 упай;

Түштүк Корея - 3 упай;

Кыргыз өлкөсү - 0 упай;

Филиппин - 0 упай;

Кыргыз курамасы менен Кытайдын беттеши 1:2 эсебинде коңшу өлкөнүн пайдасына жыйынтыкталса, Түштүк Корея 1:0 эсеби менен Филиппинди жеңип алды. Кыргыз өлкөсү бир да упайга ээ болбогону менен, голдордун айырмачылыгы боюнча 3-орунга жайгашты.

D тайпасы

Иран - 3 упай;

Ирак - 3 упай;

Вьетнам - 0 упай;

Йемен - 0 упай;

Йемен курамасы Ирандан күрөшсүз 5:0 эсебинде жеңилсе, Вьетнам Ирак курама командасы менен болушунча күрөш жүргүзгөнгө аракет кылышты. Бирок вьетнамдыктарга ийгилик жылмайбай, 2:3 эсебинде жеңилүү ызасын тартып калышты.

Е тайпасы

Сауд Арабиясы - 3 упай;

Катар - 3 упай;

Ливан - 0 упай;

Түндүк Корея - 0 упай;

Тайпанын фаворити Сауд Арабиясы 4:0 эсебинде Түндүк Кореянын таш талканын чыгарса, Катар-Ливан беттеши 2:0 эсебинде катарлыктардын пайдасына чечилди.

F тайпасы

Япония - 3 упай;

Өзбекстан - 3 упай;

Түркмөнстан - 0 упай;

Оман - 0 упай.

F тайпасындагы коңшулаш өлкөлөр Өзбекстан 2:1 эсеби менен Оман курамасын жеңип алса, Түркмөнстан курамасы тайпанын дөө-шаасы Японияга татыктуу атаандаштык көрсөтүп, бирок 3:2 эсеби менен жеңилүү ызасын тартып калды.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
121191;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: