2018-жыл артта калды. Алдыда дагы бир жаңы жыл, 365 күнгө берилген жаңы мүмкүнчүлүктөр. Сутка эмес, саат, мүнөт, секунд сайын өзгөрүп турган маалымат айдыңындагы ийгиликтин артында чоң жоопкерчилик турат. SUPER.KG порталынын 2018-жылдагы ийгилиги – бул кароонун да, колдонуучуларынын да санын көбөйтө алгандыгында болду.
Google Analytics рейтинг аныктоочу ресурсунун көрсөткүчү боюнча, SUPER.KG порталы 2018-жылы 436 миллиондон ашуун (2017-жылы 336 миллиондон ашуун) жолу каралган. Ал эми уникалдуу колдонуучуларынын саны 5 миллион 932 миңден (2017-жылы 5 миллион 175 миңден) ашкан.
Социалдык тармактардын ичинен SUPER.KG порталынын эң көп аудиториясы Instagram’да катталган. Аталган социалдык тармактагы аккаунтта 782 миңден ашуун катталуучу бар. Ал эми SUPER TV бөлүмүнүн Instagram’дагы аккаунтунда 143 миңден ашуун катталуучусу бар.
Кийинки эле катарда YouTube турат. SUPER.KG-YouTube каналына катталгандардын саны 465 миңден ашат. Өткөн айда SUPER.KG-YouTube каналына “Күмүш баскыч” да тапшырылганы маалым. Ал эми SUPER TV бөлүмүнүн YouTube’дагы каналында катталгандардын саны 163 миңден ашат. SUPER TV-Youtube каналы да ушул айда "Күмүш баскычка" ээ болду.
Ошондой эле SUPER.KG порталынын кабарлары Фэйсбук, Твиттер, Одноклассники, социалдык тармактары Телеграм каналы аркылуу оперативдүү түрдө бөлүшүлүп турат. SUPER TV бөлүмүнүн баракчалары да Фэйсбук, Твиттер, Одноклассники, Вконтакте социалдык тармактарында, Телеграм каналында активдүү иш алып барат.