Тышкы иштер министрлигинин Консулдук кызмат департаментинде тесттик режимде WhatsApp, Telegram, WeChat жана Viber каналдары иштей баштады. Бул тууралуу мекеменин басма сөз кызматынан кабарлашты.
Маалым болгондой, чет жерде жүргөн жарандар укуктук маселелери боюнча текст, үн жазып жана сүрөт, видеого тартып +996 (551) 31 20 00 номуруна мессенжерлер аркылуу жиберсе болот.
Ошондой эле Кыргыз өлкөсүнүн чет мамлекеттердеги мекемелеринин ишмердүүлүгү тууралуу да пикирлерин билдирсе болот.