Милиция кызматкеринин катыштыгы менен болгон жол кырсыгында каза болгон аял ӨКМдин кызматкери болгон. Эртең аны жерге берүү зыйнаты өтөт

Тектеш кабарлар: 2019-жыл ичиндеги адам өмүрүн алган жол кырсыктары (155 материал)

Кырсыктан каза болгон Мээрман Асанканова. Бишкек шаарында адам өмүрүн алган жол кырсыгы катталды. Маалыматты алгач ӨКМнын басма сөз кызматы таратты.

21-январга караган түнү саат 00:35 чамаларда 7-апрель жана Горький көчөлөрүнүн кесилишинде Mercedes-Benz жана Toyota Avensis үлгүлөрүндөгү унаалардын катышуусунда жол кырсыгы катталган. Кырсыктын кесепетинен Toyota Avensis унаасынын жүргүнчүсү М.А. аттуу 33 жаштагы аял каза болгон.

Mercedes-Benz унаасынын 26 жаштагы айдоочусу жана аны менен жаш курагы бир жүргүнчү ар түрдүү жаракаттарды алган. Куткаруучулар каза болгон жарандын жансыз денесин унаадан чыгарышып, милиция кызматкерлерине, ал эми жабыркаган адамдарды "Тез жардам" кызматына өткөрүп беришкен. Видеодо көрүнгөндөй, Мерседес үлгүсүндөгү унаанын айдоочусу формачан болгон.

Бишкек ШИИББинин басма сөз кызматына кайрылганыбызда Mercedes-Benz унаасынын айдоочусу милиция кызматкери болгонун тастыктады. Өздүк булактардын билдиргенине караганда, милиция кызматкери унаасы менен каршы тилкеге чыга калган. Ал Бишкек шаарындагы Октябрь РИИБинин кызматкери экенин Бишкек ШИИББинин басма сөз кызматынан тастыкташты. Кырсык боюнча соттук-медициналык экспертизалар дайындалды. Ооруканада жаткан милиция кызматкеринин спирт ичимдигин ичкени же ичпегени аныкталууда.

Ал эми өздүк булакка таянсак, каза болгон 33 жаштагы аял ӨКМнын кызматкери Мээрман Асанканова болгон. Аталган министрликтин басма сөз кызматына чалганыбызда бул маалыматты тастыктаган да, четке каккан да жок. Белгилүү болгондой, Toyota Avensis унаасынын айдоочусу маркумдун жолдошу болгон. Анын сөөгү 22-январда жерге берилет.

жаңыланды 23:52 21-01-2019
кошулду 00:29 22-01-2019

Бишкекте милиция кызматкеринин катышуусунда жол кырсыгы катталып, анда ӨКМнын кызматкери каза болду

Автор: Гүлжан Асанкожоева

Жазылуу

РУБРИКАДАГЫ СОҢКУ КАБАРЛАР

13:53 2024-04-25 | Түркүн дүйнө

Иранда белгилүү рэпер өлүм жазасына кесилди 48 0

13:45 2024-04-25 | Коом жана турмуш

Дагы үч министрге сөгүш жарыяланып, бирөөнө эскертүү берилди (тизме) 141 0

13:41 2024-04-25 | Коом жана турмуш

Түркиядагы унутулгус үй-бүлөлүк эс алууңузга убакыт келди! 67 0

13:13 2024-04-25 | Кылмыштар, кырсыктар

Баңгизаттын оор түрлөрүн сатуу менен алектенген трансулуттук кылмыштуу топтун мүчөлөрү кармалды 170 0

12:49 2024-04-25 | Коом жана турмуш

Түркиянын Эгей жээгиндеги кулинардык саякат 159 0

12:25 2024-04-25 | Коом жана турмуш

Кыргызстанда 24.04.24 датасында канча түгөй баш кошкону белгилүү болду 409 0

Архив

Комментарийлер (10)

Aman-moskva

2019-01-21 18:33:47

Жаман болуптур жаткан жери жайлуу болсун ажал экен да кылмыш керди камаш керек ким болсо деле

haydarkan

2019-01-22 01:19:06

Жайы жанаттан болсун. 7-апрель кочосунун атын озгортуш керек эмеспи

Nur777

2019-01-22 01:41:12

Молтурогон,жапжаш боюнча кете бериптир,аттин...
Жаткан жери жайлуу,топурагы торко болсун!

TalaCSKA

2019-01-22 01:44:46

Менттер мас экен деп журотко

Kalemkash

2019-01-22 02:01:16

Менттин мас же соо экенин текшериш ушунча убакытбы? Териштируу жургондой?

barakcha

2019-01-22 09:05:28

Kalemkash,соодалашып атышат го...(

Asyl10

2019-01-22 17:50:53

Kalemkash, Убакытты бир аз созуп туруп менттер мас эмес, кырсыкка коз жумган адамдын жолдошу,балким озу да куноолу деп чыгышат.Биздин менттерден бардык нерсени кутууго болот.

mamatkerim1968

2019-01-22 13:47:03

"Белгилүү болгондой, аял каза болгон унаанын айдоочусу маркумдун жолдошу болгон."- Ким тушунду ушул жерине?

mamashovich88

2019-01-22 15:04:23

mamatkerim1968, Ушуну мен да түшүнө алган жокмун. Кайра-кайра окудум.

Skarlett-Skarlett

2019-01-23 10:36:37

mamatkerim1968,Куйоосу айдап бараткан.А жургунчу аялы болгон.

Комментарий калтыруу үчүн өз ысымыңыз менен кириңиз же каттоодон өтүңүз.