Орусиянын Пенза облусунда 8 жүргүнчүсү менен бараткан минивэн кырсыкка кабылып, 2 Кыргыз жараны каза болду

Тектеш кабарлар: 2019-жыл ичиндеги адам өмүрүн алган жол кырсыктары (155 материал)

24-январда Орусиянын Пенза облусунда жол кырсыгы болуп, анда 2 адам каза болгондугу тууралуу маалымат тараган. Бул боюнча Кыргыздын Орусиядагы элчилигинен жооп тарады. Белгилүү болгондой, кырсык 24-январда Нижний Новгород-Саратов унаа жолунун 420-чакырымында орун алып, анда "ГАЗ" жана Toyota Alphard үлгүсүндөгү минивэн сүзүшкөн.

"Минивэндин ичинде Кыргыз өлкөсүнүн 8 жараны болгон, алардын ичинен экөө алган жаракатынан улам ошол эле жерден каза болушкан. Жаракат алган дагы 2 Кыргыз жараны Пенза шаардык ооруканасында дарыланууда. Калган 4 жаран, анын ичинде минивэндин айдоочусу жаракат алышкан эмес", - деп билдирди элчиликтин басма сөз кызматы.