Бишкек шаарында өспүрүмдөр арасында дзюдо боюнча Өлкө чемпиондугу өтөт. Бул тууралуу SUPER.KG'ге Улуттук дзюдо федерациясынан кабарлашты.
Аталган мелдеш 2-3-февраль аралыгында Каба уулу Кожомкул атындагы спорт ордосунда өткөрүлөт. Бул мелдешке өлкөнүн бардык аймактарынан келген 15-17 жаштагы спортчулар катышат. Мелдеште эркектер жана кыздар арасында 16 салмак категорияда медалдар ойнотулат.
Мелдештин жеңүүчүлөрү эл аралык мелдештерге, Азия жана Дүйнө чемпиондуктарына өлкөбүздүн атынан барып катышууга мүмкүнчүлүк алышат.