super.kg logo

Улуттук онкология борбору: "Мурат Суталинов дарыгерлердин көзөмөлүндө болуп, узак убакытка дарылануусу керек"

 

Бүгүн, 30-январда 2010-жылдын апрелиндеги окуядан кийин соттолгон УКМКнын ошол учурдагы төрагасы Мурат Суталиновду абактан бошотуу маселеси Ленин райондук сотунда каралмак. Бирок прокурордун келбей калганына байланыштуу сот отуруму 7-февралга жылдырылды.

Улуттук онкология борборунун химиотерапия бөлүмүнүн жетекчиси Турусбек Абдылдаев сот залынан чыккандан кийин Суталинов дарыгерлердин көзөмөлүндө болуп узак убакытка дарылануусу керектигин айтты. Анын белгилешинче, Суталинов бөйрөктүн 4-даражадагы рагы менен жабыркап келет.

Ал эми жактоочусу Тимур Карабаев Суталинов дартына байланыштуу жазадан бошотулушу мүмкүн делген адамдардын категориясына кирерин билдирген. Ошондой эле жактоочу сот Суталиновдун ден соолугун, келтирилген өтүнүчтөрдү эске алып, мыйзам чегинде чечим кабыл ала турганына ишенич артарын кошумчалады.

Мурат Суталинов 2006-2010-жылдары УКМКны башкарган. Ал "2010-жылы 7-апрелде митингге чыккан адамдарга каршы курал колдонгон жана кызмат абалынан ашыкча пайдаланган" деген айыптын негизинде 20 жылга соттолгон. Суталиновдун ден соолугуна байланыштуу жазасынан бошотуу тууралуу тиешелүү документтер 24-январда сотко өткөрүлгөн.



УКМКнын мурдагы жетекчиси Мурат Суталиновдун соту 7-февралга жылдырылды

Жактоочусу: "Суталиновдун оң бөйрөгү 4-стадиядагы рак"

 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
122648;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: