super.kg logo

Токмоктогу атышууда жаракат алган эки жаран эки айга камакка алынды

 

Токмоктогу өткөрүү пунктуна жакын жерде атышууда жаракат алган Аскат Усенов менен Дастан Бейшенкуловдун баш коргоо чарасы каралды. Бул тууралуу облустук милициядан кабарлашты.

Маалым болгондой, 31-январь күнү Аламүдүн райондук сотунда Асхат Усеновдун баш коргоо чарасы каралып, ал СИЗО-1ге эки айга камакка алынды. Ага Кылмыш-жаза кодексинин 266-беренеси (топ адамдар менен сүйлөшүп алып ден соолукка залал келтирүү үчүн курал колдонуу) менен айыпталууда.

Ал эми Бейшенкуловдун баш коргоо чарасы ушул эле күнү Чүй облустук сотунда каралып, соттун чечими менен ал дагы СИЗО-1ге эки айга камакка алынды. Бейшенкуловго Кылмыш-жаза кодексинин 203 (алдын ала топ адамдар менен сүйлөшүп алып ден соолукка жана өмүргө коркунуч алып келбегендей күч колдонуп опузалоо) жана 39, 130-беренелер (бейбаштык, адам өлтүрүүгө аракет жасоо) боюнча айып тагылып жатат.

25-январь күнү Токмоктогу көзөмөл-өткөрүү жайына жакын жерде Дастан Бейшенкулов, Токмок шаардык кеңештин депутаты Кубан Кочкорбаев менен Бахтияр жана Аскат Усенов аттуу жарандардын ортосунда чыр чыккан. Милициянын маалыматына караганда, чыр товарларды жана күйүүчү майларды чек арадан мыйзамсыз өткөрүү учурунда акча маселесинен улам чыккан. Атышуудан Аскат жана Дастан аттуу эки адам жаракат алып, ооруканага жатышкан.

Аталган окуяга Жогорку Кеңештин депутаты Урматбек Самаевдин дагы тиешеси бар экени айтылып, ал суракка алынган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
122423;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: