super.kg logo
  Саясат  

БУУнун Конвенциясынын ченемдерин ишке ашыруу үчүн алгачкы 10 жылда 6,5 миллиард сомдон ашуун акча керектелет

 

БУУнун Конвенциясынын ченемдерин ишке ашыруу үчүн алгачкы 10 жылда 6 миллиард 647 миллион сом керектелет. Бул тууралуу бүгүн, 7-февралда Жогорку Кеӊештин жалпы жыйынында "Майыптардын укуктары жөнүндө БУУнун Конвенциясын ратификациялоо тууралуу” мыйзам долбоору каралып жаткан учурда айтылды.

Белгилүү болгондой, конвенциянын ченемдерин ишке ашыруу үчүн алгачкы 10 жылда 6 миллиард 647 миллион сом керектелет. Бул сумманын 1 миллиард 575 миллион сому билим берүүгө, саламаттыкты сактоого, маданий жашоого катышууга, эс алууга, спорт менен машыгууга жумшалат. Ал эми, 5 миллиард 72 миллион сом инфраструктураны жакшыртууга сарпталмакчы. Мыйзамдын негизги максаты - бардык майып адамдардын укуктары менен эркиндиктерин коргоо, ошондой эле алардын аброюн сыйлоого артыкчылык берүү болуп саналат.

Депутат Ирина Карамушкина берген маалыматка ылайык, 2018-жылы өлкө аймагында ден соолугунун мүмкүнчүлүгү чектелген 181 миңден ашуун жаран катталган.

“БУУнун Башкы ассамблеясы тарабынан 2006-жылдын 13-декабрында кабыл алынган жана 2011-жылдын 21-сентябрында кол коюлган Майыптардын укуктары жөнүндө БУУнун Конвенциясын ратификациялоо тууралуу” мыйзам долбоору каралып чыгып, үчүнчү окууда добуш берүүгө жөнөтүлдү.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
122411;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: