super.kg logo
  Саясат  

Жогорку Сот Орусиянын жараны делген Бишкек шаардык кеңешинин депутаты Жусупбек Коргонбай уулун мандатынан ажыратты

 
Буга чейин Бишкек шаардык кеңешинин депутаты Жусупбек Коргонбай уулун Орусиянын жараны деген жүйө менен мандатынан ажыратуу сунушталганы маалымдалган. Кийин Экономикалык иштер боюнча район аралык соту ага мандатын кайтарып берүү чечимин чыгарганын БШКдан кабарлашкан эле. Бирок БШК соттун чечимине макул болбой, Жогорку Сотко даттанган.
Жогорку Сот район аралык соттун чечимин жокко чыгарып, аны мандатынан ажыратуу чечимин чыгарган. Маалыматты Борбордук шайлоо комиссиясы SUPER.KG'ге тастыктап, сот Бишкек аймактык шайлоо комиссиясы менен Борбордук шайлоо комиссиясынын токтомун күчүндө калтырганын белгиледи.
Өткөн жылдын 26-декабрында Борбордук шайлоо комиссиясы Бишкек аймактык шайлоо комиссиясынын Коргонбай уулунун ыйгарым укуктарын мөөнөтүнөн мурда токтотуу жөнүндө чечимин бекиткен. Андан кийин Жусупбек Коргонбай уулу БШКнын токтомун мыйзамсыз деп табуу жөнүндө арызы менен сотко кайрылган.

Жусупбек Коргонбай уулу "Республика-Ата Журт" партиясынын тизмеси менен депутат болуп келген. Бишкек аймактык шайлоо комиссиясынын төрагасы Кайрат Маматовдун маалыматы боюнча, ал Орусиянын жарандыгын 2007-жылы алган. Муну Орусиянын Юстиция министрлиги тастыктаган. Кийинчерээк анын жактоочусу Орусиядан алган паспорту жараксыз экенин билдирген.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 2 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
122411;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: