super.kg logo

Бишкекте жашыруун иш алып барган кумаркана табылды. Ал жай 64 жаштагы аялдын атында болгон

 

Бишкекте жашыруун иш алып барган кумаркана табылганын ИИМдин басма сөз кызматынан кабарлашты. Маалым болгондой, аталган жайга тааныш гана адамдар киргизилип, купуялуулукту сактап келишкен. Алар кумар оюндарын ойноочу жабдыктарды жана компьютердик тармактарды колдонуу аркылуу кумар оюндарын ойноп келишкен.

Кумаркана ИИМдин Уюшкан кылмыштуулук менен күрөшүү башкармалыгынын ыкчам кызматкерлери тарабынан табылып, Тергөө кызматы тарабынан Кылмыш-жаза кодексинин 212-беренесинин 2-бөлүмү (кумар оюндарын өткөрүү үчүн көмүскө жайды уюштуруу же күтүү, кумар оюндарын өткөрүү) менен сотко чейинки иликтөө башталган.

"Тергөө соту тарабынан атайын тергөө иш-аракеттерин жүргүзүүгө токтом чыккан. Жогорудагы токтомдун негизинде 7-февраль күнү атайын операция жүргүзүлүп, жогоруда көрсөтүлгөн дарек текшерүүгө алынган. Ыкчам-тергөө иш-чараларын жүргүзүү учурунда мыйзамсыз кумар оюндарын жүргүзүшкөндүгү аныкталган жана компьютерлердин жанында 7 оюнчу бар болгон. Аларды текшерүү учурунда Чүй облусунун жана Бишкек шаарынын 30-40 жаштардагы жашоочулары болуп чыккан.

Ал эми кумар оюндарын ойноочу мекеменин администратору Бишкек шаарынын 1990-жылы туулган К.С. аттуу жашоочусу (аял киши) болгон. Ал мурда кумар оюндарын уюштуруу жана өткөрүү беренеси менен жоопкерчиликке тартылган. Имараттын ичинен 10 компьютер, кассадан 6 миң 500 сом акча каражаты табылды. Андан сырткары 4 даана ак жана кара түстөгү беткап, оюнчук тапанча, бир нече бычактар табылган. Алынган маалыматтар боюнча аталган имарат Жалал-Абад облусунун 1955-жылы туулган З.А. аттуу жашоочусуна (аял киши) таандык. Ошол эле күнү мекеменин администратору сурак берүү үчүн Тергөө кызматына жеткирилген.

Азыркы учурда кумар оюндарын уюштургандарды жоопкерчиликке тартуу жана ушул кылмыш ишине тиешеси бар башка жактарды аныктоо жана кармоого багытталган ыкчам-тергөө иш-чаралары жүрүп жатат", - деп кабарлашты ИИМден.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
11.02.2019. 11:22 
Тайпасы:
Жаран
Комментарийлердин саны:
1566
Катталган:
11-01-2017
Соӊку аракети:
18-02-2019 21:38
Жынысы:
Белгисиз
+3
Ким тукурот деп артынан андыбай, ушундай жайларды таап жоопко тартсанар.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
122423;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: