super.kg logo

"Элдик парламенттин" лидерлеринин бири Бекболот Талгарбековдун жаза мөөнөтү кыскартылды

 

"Элдик парламенттин" лидерлеринин бири Бекболот Талгарбековдун жаза мөөнөтү кыскартылганын SUPER.KG'ге Жогорку Соттун басма сөз кызматы тастыктады. Андагы маалыматка караганда, 6-февраль күнү Жогорку Сотто коюлган айып боюнча сот отуруму болуп, Талгарбеков Кылмыш-жаза кодексинин 295-беренеси "бийликти күч менен басып алууга даярдануу" боюнча акталды. Жогорку Сот мындай чечимин кылмыштын курамы жок болгондугу менен түшүндүргөн.

Ал эми Кылмыш-жаза кодексинин 299-беренеси (улуттук, расалык же диний кастыкты козутуу) боюнча тагылган айып өзгөрүүсүз калды. Аталган берененин негизинде Талгарбеков 2017-жылы 5 жылга эркинен ажыратылган эле.

2016-жылдын май айында "Элдик парламенттин" бир канча мүчөсү кармалып, аларга карата кылмыш иши ачылган. 2017-жылдын август айында Биринчи Май райондук соту “Элдик парламенттин” 5 мүчөсүнө карата өкүм чыгарып, Бекболот Талгарбеков менен Төрөбай Колубаев 14 жылга, Марат Султанов 10 жылга кесилип, ал эми Тойгонбек Калматов 5 жылга, Александр Гусев 3 жылга шарттуу түрдө эркинен ажыратылган. Ноябрда иш Бишкек шаардык сотунда каралып, чечим өзгөрүүсүз калган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
122423;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: