super.kg logo
  Саясат  

Орусиянын жараны делип мандатынан ажыратылган Бишкек шаардык кеңешинин депутатынын ордуна жаңы депутат келди

 

Бишкек шаардык кеңешине "Республика-Ата Журт" фракциясынан депутаттыкка Казыбек Эргешов келди. Ага мандат бүгүн, 12-февралда Бишкек шаардык кеңешинин жыйынында тапшырылганын SUPER.KG порталына Борбордук шайлоо комиссиясынан тастыкташты.

Маалыматка ылайык, бир депутаттык орун буга чейин Орусиянын жараны делинип мандатынан ажыратылган Жусупбек Коргонбай уулу кеткенден кийин бош калган. Айрым маалыматтар боюнча Казыбек Эргешов 2015-жылдын 25-декабрында Бишкек шаардык кеңешине депутат болуп, 2016-жылдын июнь айында мандатын тапшырган.

Өткөн жылдын 26-декабрында Борбордук шайлоо комиссиясы Бишкек аймактык шайлоо комиссиясынын Коргонбай уулунун ыйгарым укуктарын мөөнөтүнөн мурда токтотуу жөнүндө чечимин бекиткен. Андан кийин Жусупбек Коргонбай уулу БШКнын токтомун мыйзамсыз деп табуу жөнүндө арызы менен сотко кайрылган.

Жусупбек Коргонбай уулу "Республика-Ата Журт" партиясынын тизмеси менен депутат болуп келген. Бишкек аймактык шайлоо комиссиясынын төрагасы Кайрат Маматовдун маалыматы боюнча, ал Орусиянын жарандыгын 2007-жылы алган. Муну Орусиянын Юстиция министрлиги тастыктаган. Кийинчерээк анын жактоочусу Орусиядан алган паспорту жараксыз экенин билдирген.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
122491;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: