19-февралдан 20-февралга караган түнү Жер шарынын жашоочулары 2019-жылы боло турган маанилүү астрономиялык кубулушка күбө боло алышат. Адистер Ай Жерге жакындап, көлөмү кадыресе көлөмүнөн чоң болорун белгилешүүдө.
Ай кубулган учурда көлөмү 14 пайызга чоң жана 30 пайызга жарык болуп көрүнөт. Бул кубулуш "Супер Ай" деп дагы айтылып жүрөт. Ай эллиптикалык орбита боюнча Жерди бир айда айланып чыгат. Ай менен Жердин ортосундагы аралык 356,4 миң чакырымдан 406,7 миң чакырымга чейин жетет.
Орусиялык басылмалар 19-февралда Москва убактысы боюнча саат 12:07де Ай менен Жердин ортосундагы аралык болжол менен 356 761 чакырым болорун жазып чыгышты. Андан 6 саат өткөндөн кийин Ай тутулат.
Аталган кубулуш Бишкек сааты боюнча 21:54тө башталат.