Бишкекте зордуктоо жана уурулук боюнча шектелип, издөөдө жүргөн жаран кармалды. Бул тууралуу Ош ОИИБинин басма сөз кызматы кабарлады.
Маалыматка ылайык, 3-март күнү Ош ОИИБинин криминалдык милиция кызматкерлери тарабынан жүргүзүлгөн ыкчам иш-чаралардын негизинде шектүү катары издөөдө жүргөн Ош облусунун Кара-Кулжа районунун жашоочусу 30 жаштагы Т.А. Бишкек шаарында изин жашырып жүргөн жеринен кармалды.
Бул жаранга 2019-жылдын 10-январь күнү Кылмыш-жаза кодексинин "зордуктоо" беренеси боюнча шектүү катары издөө жарыяланган.Тергөөнүн жүрүшүндө бул жаран тарабынан мындан башка дагы эки жерде уурулук жасагандыгы белгилүү болгон. Кылмышка шектүү Т.А. Кара-Суу РИИБинин убактылуу кармоочу жайына киргизилип, 161-беренеси "зордуктоо" жана 200-берене "уурулук" боюнча кылмыш иши козголуп, тергөө амалдары жүрүп жатат деп жазылат маалыматта.