super.kg logo
  Саясат  

Мамлекеттик органдардын алдында ачылган эсептер жабылып, атайын каражаттар топтоло турган "казыналык эсеп" ачылат

 

Бүгүн, 11-мартта Жогорку Кеңештин Бюджет жана финансы боюнча комитетинин жыйыны өттү. Анда Кыргыз Республикасынын айрым мыйзам актыларына өзгөртүүлөрдү киргизүү жөнүндө мыйзам долбоору экинчи окууда жактырылды.

Жыйында 12 мыйзамга өзгөртүүлөр сунушталды. Анда Финансы министрлигинин өкүлү төмөндөгүдөй белгиледи: "Жаңы мыйзам долбоорунун алкагында кабыл алынган Бюджеттик кодекстин ченемдерине ылайык, атайын каражаттар түшүнүгү жоюлат. Ал үчүн бюджеттик мекемелер тарабынан алынган демөөрчүлүк, кайрымдуулук, гранттык жардамдардан, ыктыярдуу салымдардан жана камкорчулук төгүмдөрдөн түшүүчү каражаттар топтоло турган атайын "казыналык эсеп" деген ченем киргизилүүдө", - деди финансы министринин орун басары Улукбек Кармышаков.

Буга чейин депутат Акылбек Жапаров мамлекеттик органдар атайын эсепке чогулган каражатты каалаган учурда каалагандай чачып жатканын айткан.

"Мамлекеттик органдардын алдында ачылган атайын эсептердин баарын жаап, ал жактагы каражаттын жумшалуусуна көзөмөлдү күчөтүү зарыл", - деп белгилеген.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
124229;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: