super.kg logo

Коопсуз шаар: Долбоорду ишке ашыруунун 2-фазасы 14 күн кечиктирилет

 

"Коопсуз шаар" долбоорунун алкагындагы көзөмөл камераларын орнотуунун 2-фазасы 14 күн кечигүү менен ишке ашат. Маалыматты аталган долбоорду ишке ашырып жаткан "Вега" концерни тастыктады.

Белгилүү болгондой, буга камераларды орнотуу иштеринде пайда болгон ыңгайсыздыктар себеп болгон.

"Орнотула турган камералардын кабелдерин жер асты менен алып өтүү пландалган. Бирок Жол кыймылынын коопсуздугун көзөмөлдөө кызматы жер асты менен кабелдерди алып өтүүдө асфальтты жана тротуарларды бузууга туура келерин эскертти. Мындан сырткары авариялык учурларды калыбына келтирүүдөн башка кыш мезгилинде жердин асты аркылуу жүргүзүлүүчү иштердин бардык түрүнө тыюу салынганы белгилүү болду.

Түзүлгөн кырдаалдар боюнча "Бишкек башкы архитектура" муниципалдык ишканасына билдирүү жиберилип, 26-февралда кабелдерди зым карагайлар аркылуу тартуу чечими кабыл алынган. Буга байланыштуу көзөмөл камераларын орнотуунун 2-фазасы Бишкек шаарында 26-марттан, ал эми Чүй облусунда 30-марттан баштап ишке ашырылат", - деп айтылат маалыматта.

Буга чейин Маалыматтык технологиялар жана байланыш комитетинин басма сөз кызматы камераларды орнотуунун 2-фазасынын алкагында 12-мартка чейин Бишкек шаарынын 11 жана 16-мартка чейин Чүй облусунун 12 жерине "Вега" компаниясы тарабынан көзөмөл камералары орнотулушу керектигин билдирген.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
124185;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: