super.kg logo
  Саясат  

Депутат Баткендеги чек ара маселеси чечилмейинче вице-премьерге, Чек ара кызматынын жетекчилерине үй-бүлөсү менен ошол жакта жашоону сунуштады

 

"Вице-премьер же Чек ара кызматынын тиешелүү жетекчилери чек арадагы абал жөнгө салынмайынча Баткенге барып жашашсын, ошондо маселе чечилет", - деп бүгүн, 14-мартта Жогорку Кеңештин жалпы жыйынында депутат Таабалды Тиллаев билдирди.

"Дастан Артисбекович, Баткендеги болуп жаткан чек ара маселесин өз көзөмөлүңүзгө алсаңыз. Суранып жана чакырып кетем, жакынкы күндө бир катар депутаттар менен чек ара айылдарына барып абал менен жеринен таанышсаңыз. Биздин негизги ишибиз, элдин көйгөйүн угуу жана аны чечүү болуп саналат.

Өкмөттүн өкүлүнө кайрылып айткым келет, силер өрт өчүрүүчүлөрдүн ролун аткарып калдыңар. Бир ай мурун бул маселени көтөргөм, суу, жол, шагыл маселеси көтөрүлөт деп айткам. Чыр-чатактын баары болбогон шагылдын айынан башталды. Вице-премьер же тиешелүү Чек ара кызматынын жетекчилерине кайрылам, биздин негизги чечилбеген аймак болуп Баткен облусу саналат. Ал жакта абал жөнгө салынмайынча ошол жакта штаб ачып, Баткенде отурушсун. Биздин жетекчилер ошол жерге барып жашашсын, балдарын ошол жактагы мектептерге окутушса бул маселе бат чечилет деп ойлойм.

Андан сырткары, чыр-чатак чыккан айылга айыл статусун бергенбиз, бирок бир дагы моралдык жана финансылык жардам бербей жатабыз. Ал жерде пенсиясына, айлык акысына жана жөлөк пулуна кошумча акча төлөө болбой жатат. Ал эми коңшу мамлекет ошол шарттарды жарандарына түзүп берүүдө. Кийинки жумада жыйында бул маселе каралат дебей чечүү керек", - деди депутат.



Депутат жетекчилерди үй-бүлөсү менен Баткендеги чек ара жакка жашоону сунуштады

Автор: Жылдыз Джускембаева
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 6 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
124229;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: