Бүгүн, 20-мартта Аламүдүн районуна караштуу Степное айылындагы №2 аялдар абагында "Жаз сулуусу-2019" аталышындагы сулуулар сынагы өтүүдө. Сынакка эркинен ажыратылып абакта отурган аялдар катышууда. Катышуучулар 4 отряддан келишкен. Аларга ар кандай тапшырмалар даярдалып, калыстар тобу аялдардын таланттарына күбө болушууда.
Сынак алгач саламдашуу тапшырмасын аткаруу менен башталды. Белгилей кетсек, Степное айылындагы №2 абакта 350дөн ашык аял жаза мөөнөтүн өтөөдө. Арасында 2015-жылдын август айында жолдошун өлтүрүп, дене мүчөгө бөлүп жиликтеп салган келин Айдай Субанова да бар.