Балдар, бак-дарактар жана ипподром. Көк бөрү оюнун көргөнү келген күйөрмандардан эмнелер жабыркады? (фоторепортаж)

Нооруз майрамына карата уюштурулган көк бөрү боюнча Өлкө биринчилиги Таластын "Ынтымак" командасынын жеңиши менен жыйынтыкталды. Аталган команда Ош облусунун "Достук" командасын 6:1 эсеби менен жеңип, 3-жыл катары менен мыкты аталышты.

Бүйүр кызыткан беттешти көрүүгө келген күйөрмандар ат майданына батпай калышты. Мындан улам айрым күйөрмандар бак-дарактардын үстүнө чыгып алып, өз командасына жан тартса, айрымдар унаалардын үстүнөн, трибунанын кырларынан оюнду көрүп жатышты. Эч бир жерден орун таппай, көзү менен улуттук оюнду көрө албаса да, ат майданынын сыртынан кулак түрүп, беттештин жүрүшүн тыңшап турууга кайыл болгондор да кездешпей койгон жок.

Беттештин орто ченине жакындап калган учурда, оюндун баяндамачысы сырттагы унаалардын биринде бала ыйлап жатканын айтып, аны камап койгон ата-энесине издөө салды. Бөбөк элдин баары көрүп жаткан көк бөрүдөн куру калганына арданып ыйлаган чыгар.

Оюндун соңунда жеңүүчүлөрдү сыйлоо аземине Жогорку Кеңештин төрагасы Дастанбек Жумабеков, Президенттик аппараттын жетекчиси Досалы Эсеналиев баш болгон аткаминерлер чыгып мелдешти көрүүгө келген жалпы күйөрмандарды, катышуучуларды Нооруз майрамы менен куттукташты. Ипподромдо кысылган эл алардын куттуктоосуно көңүл бөлбөй, баарылап "стадион", "ат майдан" деп кыйкырышты. Бирок аткаминерлердин бири да жаңы ат майдан курулаары тууралуу же азыркы ипподромду кеңейтип, оңдоп-түзөө иштери жүргүзүлөрү тууралуу күйөрмандардын көңүлүн жубатуучу эч нерсе айткан жок.

19:10 21-03-2019

Автор: Бекболот Сарыбаев
Фото: Бекболот Сарыбаев

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 481 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 965 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 757 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 777 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 593 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 1084 0

Архив

Комментарийлер (7)

Feiza1982

2019-03-21 20:20:17

Ынтымак алга Баракелде азаматсынар Кыргызымдын жигиттери ))

Aiymkunumjyldyzym

2019-03-21 21:56:25

Oi kokui,surotton aiabai jaman ele korunup kalat eken.Kenen stadion bolso myndai abalga kelmek emes bele,,,,,,,oto jaman korunuw,,,,,

Aytur

2019-03-21 23:15:34

Жапаайы оюнга жапаайы эл!

-6

Rifle_I

2019-03-22 08:22:27

Aytur,
Ошол жапайы элдин арасынан чыгып , бир аз цивилизацияны көрүп өзүңүздү заманбап адаммын деп ойлоп калдыңызбы ?

Rifle_I

2019-03-22 08:21:26

Карагаларга окшоп отуруп алыптыр го.
Көк бөрү ойногонубузга да сыймыктанам.

binur5

2019-03-22 10:31:58

Бул ойунду отуруп алып корсо болобу же туруп алып коруш керекби деги олтургуч деген болобу садиондун ичинде чет жактан келген меймандар ээстери ооп кетишет экен ад

Комментарий калтыруу үчүн өз ысымыңыз менен кириңиз же каттоодон өтүңүз.