super.kg logo
  Спорт  

Хоккей федерациясынын президенти: "Эл аралык федерациянын үстүнөн даттанабыз"

 

Кыргыз Хоккей федерациясы улуттук курамага техникалык жеңилүү жазылышы боюнча Эл аралык Хоккей федерациясынын үстүнөн даттанат. Бул тууралуу Хоккей федерациясынын президенти Анвар Оморканов бүгүн, 8-апрелде өткөн маалымат жыйынында билдирди.

Анын айтымында, кыргыз хоккейчилерине техникалык жеңилүү жазылуусу одоно эреже бузуу менен кабыл алынды.

"Дүйнө чемпиондугунун тандоо туруна катышуу үчүн ар бир команда алдын ала катышуучулардын тизмесин берет. Биз да эрежеге ылайык тизмени бергенбиз. Эл аралык Хоккей федерациясы биздин тизмеде эч кандай катачылык жок экенин айткан. Мелдеш башталып, бир нече оюнду жеңгенибизден кийин, биздин оюнчу Александр Титовдун ойноого укугу жок экендигин айтышты. Эгерде биз беттештердин баарында жеңишке жетишпесек, мындай маселе көтөрүлбөйт эле.

Титов боюнча айта кетейин. Кыргыз өлкөсүнүн курамасында ойноо үчүн, легионерлер акыркы 2 жыл ичинде өлкө чемпиондугунда ойношу керек. Ал 2 жылдан ашык убакыттан бери биздин өлкөдө ойноп келе жатат. Бирок 2017-жылы Орусияда 2 беттеш өткөргөн экен. Андан бери толук 2 жыл өтпөптүр. Бул жагдай боюнча Эл аралык Хоккей федерациясынын атайын комиссиясына кайрылып, алардын уруксатын алганбыз. Бирок биздин команданын күчтүү экенин көрүп, Бириккен Араб Эмираттарынын өкүлдөрү даттанып чыгышты. Эл аралык федерация тандоо туруна катышкан өлкөлөрдүн өкүлдөрүн чакырып, добушка койду. Албетте, биздин командадан жеңилип калган өлкөлөр бизге каршы добуш беришет да. Ушундай жол менен Эл аралык федерация өз катачылыгын башка өлкөлөрдүн колу аркылуу жууду. Жыйынтыгында мындай катачылыктын курмандыгы биз болуп калдык.

БАЭни жакшы билебиз. Алар ар дайым ушундай ыплас жол менен жеңишке жетүүгө аракет кылып келишкен. Мисалга жыл башында өткөн футбол боюнча Азия Чемпиондугун алсак болот. Калыстын жардамы менен кыргыз курамасын жеңип алышты. Андан кийин Катар өлкөсүнөн жеңилип калып, алардын үстүнөн арызданып жүрүштү. Биз үчүн мындай көрүнүш абдан өкүнүчтүү.

Биз муну жөн калтырбайбыз. Азыр Эл аралык Хоккей федерациясынын президентине кат жаздык. Андан жыйынтык чыкпаса, эл аралык Арбитраждык сотко кайрылабыз. Мындан сырткары Тышкы иштер министрлиги аркылуу да мүмкүн болгон жактардын баарына кайрылабыз", - деди Оморканов.

Хоккей боюнча Дүйнө чемпиондугуна тандоо туру 31-марттан баштап 6-апрелге чейин созулду. Мелдешке 6 өлкө катышып, кыргыз курамасы алгачкы 4 оюндун баарында жеңишке жетишкен. Ал эми талаа ээлери менен өткөн акыркы беттеште кыргыз хоккейчилери Александр Титовдун катышуусусуз 7:4 эсебинде жеңишке жетишти. Бирок техникалык жеңилүүнүн натыйжасында Кыргыз өлкөсү акыркы орунду ээлеп, Бириккен Араб Эмираттары мелдештин кийинки этабына жолдомо алды.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(5)
08.04.2019. 18:57 
Тайпасы:
Жаран
Комментарийлердин саны:
180
Катталган:
31-08-2010
Соӊку аракети:
26-06-2019 04:25
Жынысы:
Белгисиз
Калаасы:
Бишкек, Каракол
+6
Арабтар качан тынч ойношчу эле, ошон үчүн казактар менен Турция Европага чыгып кеткен
08.04.2019. 19:56 
Тайпасы:
Жаран
Комментарийлердин саны:
1121
Катталган:
23-09-2015
Соӊку аракети:
26-06-2019 20:22
Жынысы:
Белгисиз
0
Аягына чыккыла эми биздин хоккейчилер дүйнө чемпиондугунда ойнош керек
08.04.2019. 20:21 
Тайпасы:
Жаран
Комментарийлердин саны:
269
Катталган:
21-07-2014
Соӊку аракети:
26-06-2019 10:20
Жынысы:
Белгисиз
+2
Азаматтар жакшы ойноп жаткан эле. Көз тийбесин. Арабдар акчасына ишенген адамдар да.
08.04.2019. 20:22 
Тайпасы:
Жаран
Комментарийлердин саны:
463
Катталган:
09-11-2015
Соӊку аракети:
27-06-2019 01:51
Жынысы:
Белгисиз
+2
Арыздангыла жазгыла ар жака болбосо алар ушундай кылса болот экен деп кийин дагы женишибизди тартып алат.
09.04.2019. 09:34 
Тайпасы:
Жаран
Комментарийлердин саны:
32
Катталган:
20-08-2016
Соӊку аракети:
27-06-2019 09:43
Жынысы:
Белгисиз
Калаасы:
Leilek_Margun
+1
Башка буткон балээ болду ушул арабдар. Ушулардын айынан кыргыз спорту арта калып калып жаткандай.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул кабарды окуду:

Кабарлардын саны:
128149;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: