super.kg logo

Саламаттыкты сактоо министрлиги: "Эмдөөдөн кийин оорукананын жандандыруу бөлүмүнө жаткырылган окуучулар жакшы болуп калышты"

 

Баткен шаарында эмдөөдөн кийин оорукананын жандандыруу бөлүмүнө жаткырылган окуучулар жакшы болуп калышты. Бул тууралуу SUPER.KG'ге Саламаттыкты сактоо министрлигинин Баткен облусундагы координатору Арзыбек Бөрүбеков кабарлады. Анын айтымында, ооруканага жалпы 15ке жакын окуучу кайрылса, анын экөөсү жандандыруу бөлүмгө жаткырылган.

"Абалдары жакшы болуп, учурда үйлөрүнө жиберилди. Жандандыруу бөлүмдө бир кыз калды эле, ал дагы жакшы болуп калды. Ал эми эмдөө жасаган дарыгерлердин кандай катачылыкка жол бергени иликтөө ишинин жыйынтыгы менен белгилүү болот", - деди Бөрүбеков.

Бүгүн, 9-апрель күнү түштөн кийин Баткен шаарындагы №3 мектептин 5-б классында окуган окуучулары эмдөөдөн өткөрүлүп, бирок айрымдары абалы начарлап жаткандыктан ооруканага барышкан. Республикалык эмдөө борборунун директору Гүлбара Ишенапысова дарыгерлер эмдөө учурунда катачылыкка жол беришкенин кабарлаган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
125534;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: