super.kg logo

Программисттер ассоциациясынын негиздөөчүлөрүнүн бири Азис Абакиров: "Урматтуу президент! Биз эми сизге ишенбейбиз"

 

Кыргыз өлкөсүнүн Программисттер ассоциациясынын негиздөөчүлөрүнүн бири Азис Абакиров президент Сооронбай Жээнбековго ачык кат жазып, Санариптештирүү боюнча президенттин алдындагы кеңештен өз ыктыяры менен чыкканын жарыялады. Ал "Инфоком" мамлекеттик ишканасынын директору Талант Абдуллаевдин камалышына нааразы болуп ушундай кадамга барганын жарыялап чыкты. Талант Абдуллаев жаңы муундагы биометрикалык паспортторго бланк даярдоо боюнча өткөрүлгөн тендерде мыйзам бузуулар боюнча айыпталып, кечээ 2 айга камакка алынган.

"Урматтуу президент! Президенттин алдындагы санариптештирүү боюнча эксперттик кеңештин мүчөсү Талант Абдуллаевдин жана Мамлекеттик каттоо кызматынын кызматкерлеринин коррупция боюнча камалышын, укук коргоо кызматтарында болуп жаткан учурдагы баш аламандыктарды көрүп туруп, сиздин бул көрүнүштөргө унчукпай макул болуп жатканыңыз мени бул билдирүүнү жасоого мажбур кылды", - деп билдирүүсүн баштаган.

"Жарандардын укуктары одоно бузулуп жатканын көрүп жатабыз. Мамлекеттик сатып алуулар боюнча нормалар да одоно бузулуп жатат.Сатып алуучу уюмга карата келишимге кол койгонго чейин эле таасир этүүчү басым болуп саналат. Азыр укук коргоо органдары, сот системи тендердин катышуучуларынын биринин кызыкчылыгын одоно колдоп жатканы көрүнүп эле турат. Тарыхта биринчи жолу сынактын жыйынтыгы чыкканга чейин эле кылмыш иши ачылып жатат", - деп билдирүүсүн улайт Абакиров.

Буга улай, ал Абдуллаевдин иш билгилигин жана буга чейинки жасап өткөн иштерин санаган. "Тилекке каршы, Талант эми сиздин катарда эмес, урматтуу президент! Мен бул баш аламандык менен макул эмес экендигимди билдирүүгө мажбур болуп, президенттин алдындагы эксперттик кеңештен чыгарымды жарыялайм. Биз үчүн ар бир программист, ар бир технолог кымбат. Сизге Кыргыз өлкөсүн жакшы жакка өзгөртүүгө мүмкүн болгон тарыхый жоопкерчилик берилип, ал үчүн сизге жардам берүүгө даяр болчубуз. Өзүбүздү мыкты келечекке бара жатабыз деп кандайдыр бир өзгөрүүгө үмүттөнүп, агым менен кете бергенге мүмкүн эмес. Өзгөрүүлөр азыр жана дал ушул учурда болушу керек болчу! Сиз менен макул эмеспиз! Биз сизге ишенбей калдык, урматтуу президент!" - деген Азис Абакиров.

1-апрелде УКМКнын Коррупцияга каршы күрөшүү кызматы паспорт даярдоо боюнча тендерге байланыштуу иликтөө жүргүзүп жаткандыгы белгилүү болгон. 16-апрелде иликтөөнүн жыйынтыгы менен Мамлекеттик каттоо кызматынын жетекчилик кызматындагы 3 адам убактылуу кармоочу жайга киргизилгенин УКМКнын маалымат кызматы тастыктаган.

17-апрелде Бишкек шаарынын Биринчи Май райондук сотунун токтому менен Мамлекеттик каттоо кызматынын жетекчилери 2 айга УКМКнын СИЗОсуна камакка алынды. Бул тууралуу SUPER.KG порталына райондук соттун басма сөз кызматы билдирди. Айыпталып жаткандар "Инфоком" мамлекеттик ишканасынын директору Талант Абдуллаев, Мамлекеттик каттоо кызматынын статс-катчысы Данияр Бакчиев жана Мамлекеттик каттоо кызматынын төрагасынын орун басары Русланбек Сарыбаев. Алар жаңы муундагы биометрикалык паспортторго бланк даярдоо боюнча өткөрүлгөн тендердеги мыйзам бузуулар боюнча айыпталууда.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 3 
Комментарийлер(8)
18.04.2019. 18:03 
Тайпасы:
Жаран
Комментарийлердин саны:
415
Катталган:
23-12-2017
Соӊку аракети:
21-05-2019 10:21
Жынысы:
Белгисиз
+6
Жээнбековтор эки жуздуу адамдар экен. Шайлоого чейин башкача жуз коргозуп, шайлоодон кийин такыр башкача жузун коргозушту. Жээнбеков Атамбаевтин колдосуу менен бийлике келип эми чыккынчылын эл коруп койду. Айрым депутаттар такыр эле Жээнбековтор жана анын айланасындагы кошомотчылардын мыйзамды одоно бузуп жатканын коруп турушса дагы унчуккпай отурушат. Демейде Атамбаевге келгенде кыйкырынып чыга келишет. Эки жуздуулордон олко онукпойт.
zhaku2017 түзөттү 2019-04-18 18:07:48
18.04.2019. 18:17 
Тайпасы:
Жаран
Комментарийлердин саны:
102
Катталган:
19-08-2018
Соӊку аракети:
20-05-2019 10:11
Жынысы:
Белгисиз
+4
Демейдеги кыйкырган депутаттар отурушат ун катпай. Жээнбектордун одоно мыйзам бузууларын колдоп отурушат. Эми ушул эки Жээнбеков далай адамдардын, уюмдардын укугун талкалайт. Бакиевтердин методун колдонуп жатышат.
Kairat1996 түзөттү 2019-04-18 18:25:26
18.04.2019. 18:37 
Тайпасы:
Жаран
Комментарийлердин саны:
103
Катталган:
06-08-2018
Соӊку аракети:
21-05-2019 11:37
Жынысы:
Белгисиз
+4
Президентке менда ишенбей калдым шайлоодо башкалар айлыкты 25миң кылам деп атат мен 26 миң кылам деген ошол сөзүнө турган жок гос жумуштагылар айлык менен эле жашайт анан ишенгенбизда 10миң сом албай 15миң алабызго деп
18.04.2019. 18:50 
Тайпасы:
Жаран
Комментарийлердин саны:
295
Катталган:
16-11-2015
Соӊку аракети:
21-05-2019 11:40
Жынысы:
Белгисиз
Калаасы:
бишкек
+6
Мыйзам өлдү (((Бакиев-2 бийлиги жүзүн ачык көрсөттү...
18.04.2019. 19:21 
Тайпасы:
Жаран
Комментарийлердин саны:
126
Катталган:
20-01-2018
Соӊку аракети:
20-05-2019 21:53
Жынысы:
Белгисиз
+3
Жээнбеков элдин умутун эч актаган жок. Президент озу мыйзады бузуп жатса, анда башкасын айтпай эле коелу.
18.04.2019. 22:46 
Тайпасы:
Жаран
Комментарийлердин саны:
148
Катталган:
03-08-2013
Соӊку аракети:
20-05-2019 19:13
Жынысы:
Белгисиз
+2
Эл кыйналып жатат, качан онугобуз, ойлонушпайт бийликтегилер, шайлоо алдында айтылган анттын бири жок
18.04.2019. 22:59 
Тайпасы:
Жаран
Комментарийлердин саны:
886
Катталган:
21-05-2016
Соӊку аракети:
19-05-2019 20:18
Жынысы:
Белгисиз
+1
Саткынчылык эээээн жаман сапат!
19.04.2019. 11:13 
Тайпасы:
Жаран
Комментарийлердин саны:
7
Катталган:
01-03-2018
Соӊку аракети:
21-05-2019 10:13
Жынысы:
Белгисиз
0
.... Кирип кет ишенбесен. Кыргызча кайрылуу жасап кыргыз тилинде жазбайсынбы. Эне тилин сүйбөгөн элин сүйүп жарытпайт дейт.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126672;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: