Орусияда 10 саат тынымсыз иштеп каза болгон Кыргыз жаранынын окуясынан кийин иштөө убактысы боюнча өзгөртүүлөрдү киргизмей болду. Бул тууралуу жергиликтүү маалымат каражаттары жазып чыкты.
Маалыматка ылайык, каза болгон жаран жүрөк оорусунан улам көз жумган. "Яндекс еда" тамак-аш жеткирүү кызматында эмгектенген 20 жаштагы Артык Орозалиевдин үй-бүлөсүнө жардам көрсөтүлмөкчү.
"Компания күнү-түнү иштегендиктен бул окуядан кийин анын жетекчилиги кызматкерлердин канча саат иштеп жатканын катуу көзөмөлгө алмай болду. Курьерлер иштөө убактысын өздөрү тандагандыктан алар ашыкча иштеп калып жатышканы белгилүү болду. Мындан улам иштөө убактысын кыскартуу чечими кабыл алынды", - деп айтылат маалыматта.