super.kg logo

Ысык-Көл ОИИБи: "Жети-Өгүздөгү жол кырсыгынан 3 адам каза болуп, 2 адам алган оор жаракатынан улам жандандыруу бөлүмүндө жатат"

 

Ысык-Көл облусуна караштуу Жети-Өгүз районунда кечээ, 22-апрелде катталган жол кырсыгы боюнча маалыматты облустук милициянын басма сөз кызматы тастыктады. Басма сөз кызматынын өкүлү Сталбек Усубакуновдун айтымында, кырсыктан 3 адам каза болгон. Белгилей кетсек, окуянын күбөсү SUPER.KG'ге 4 адам каза болгондугун билдирген болчу.

"Жол кырсыгы Балыкчы-Бөкөмбаев-Каракол унаа жолунун 213-чакырымында, Ырдык жана Конкино айылдарынын ортосунда болгон. Анда 1988-жылы туулган Оргочор айылынын тургуну Тойота Авенсис үлгүсүндөгү унаасы менен катуу ылдамдыкта келе жатып, каршы тилкеге чыга калган. Ал каршысында келе жаткан ВАЗ-2107 үлгүсүндөгү унаа менен сүзүшкөн. ВАЗ-2107 унаасынын айдоочусу 1981-жылы туулган Жети-Өгүз айылынын тургуну болгон. Ал кырсык болгон жерден эле каза болуп, унаадагы башка 2 жүргүнчүнү ооруканага алып жөнөшкөн. Алардын бири 1987-жылы туулган жаран ооруканага бараткан жолдо каза болсо, 1982-жылы туулган жабырлануучу оорукананын жандандыруу бөлүмүндө көз жумган. Ал эми Тойота Авенсис унаасынын айдоочусу менен Жигулидеги дагы бир жүргүнчү алган оор жаракатынан улам Ысык-Көл облустук бириктирилген ооруканасынын жандандыруу бөлүмүнө жаткырылган", - деп билдирди Усубакунов.

Ошондой эле жол кырсыгы Кылмыштардын жана жоруктардын бирдиктүү реестрине каттоого алынып, сотко чейинки териштирүү жана автотехникалык экспертиза жүрүүдө.

Сталбек Усубакуновдун айтымында, Ысык-Көл облусу боюнча катталган жол кырсыктары жылдын 1-чейрегине карата басымдуу учурда айдоочулардын этиятсыздыгынан улам келип чыгууда. 4 айдын жыйынтыгына таянсак, облус боюнча катталган жол кырсыктарынын 92 пайызы айдоочулардын, ал эми 8 пайызы жөө жүрүүчүлөрдүн этиятсыздыгынан улам болгон.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
23.04.2019. 18:21 
Тайпасы:
Жаран
Комментарийлердин саны:
24
Катталган:
11-01-2011
Соӊку аракети:
22-05-2019 13:16
Жынысы:
Белгисиз
-1
Өлгүсү келсе жардан учуп өлө бербейби канча кишинин убалына калды.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126704;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: