super.kg logo

Жогорку Кеңештин комитетинде Ысык-Көл облусундагы кышкы туризмди өнүктүрүү боюнча маселени кароо кийинкиге жылдырылды

 

Бүгүн, 13-майда Жогорку Кеңештин комитетинде Ысык-Көл облусундагы кышкы туризмди өнүктүрүү боюнча токтом долбоору каралды.

Депутат Максат Сабиров белгилегендей, туризм тармагы Ысык-Көл облусун өнүктүрүүдөгү артыкчылыктуу багыттарынын бири болуп саналат. "Акыркы жылдары жайкы туризм менен чектелбей, кышкы туризмди дагы кошо өнүктүрүү аракеттери жасалууда. Эгерде жайкы туристтик мезгил 3 ай менен чектелсе, кышкы туристтик мезгил 4 айга чейин созулат. Мисалы, деңиз деңгээлинен 2300 метр бийиктикте жайгашкан “Каракол” тоо лыжа базасы, Жыргалаң өрөөнү кышкы туризм борборуна айланып калды десек болот", - дейт Сабиров.

Финансы министри Бактыгүл Жээнбаева токтом долбоорун аткаруу иш-чараларынын азырынча так эсеби жок экенин билдирди. Депутат Төрөбай Зулпукаров токтом долбоорунун эсеби жок экенин белгиледи. "Токтомдун алкагында аткарылчу иш-чаралардын эсеби жок болсо, аны өкмөт 2019-жылдын 1-июнуна чейин кантип аткарат? Анын эсеп-кысабы такталганча бул токтомдун долбоорун жылдыра туруу керек", - деди Зулпукаров.

Жыйынтыгында токтом долбоорун кароо кийинкиге жылдырылды.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126804;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: