super.kg logo
  Саясат  

УКМКнын төрагасы Идрис Кадыркулов кызматтан кетти

 

УКМКнын төрагасы Идрис Кадыркулов кызматтан кетти. Бул тууралуу бүгүн, 15-майда белгилүү болду.

Улуттук коопсуздук мамлекеттик комитети тараткан билдирүүгө ылайык, Кадыркулов отставкага кетүүсүн азыркы паспорт чырына байланыштырган.

"Акыркы убактарда жалпыга маалымдоо каражаттарында, өзгөчө өкмөттүк эмес уюмдарда биометрикалык паспортторго бланктарды сатып алуу боюнча териштирүү иштери УКМК тарабынан объективдүү эмес жүргүзүлүп, иште менин кызыкчылыгым бар деген талкуулар кызуу жүрүп жатат.

Мамлекеттик комитет тарабынан бул материалдар, Мамлекеттик каттоонун кызмат адамдары өздөрүнүн ыйгарым укуктарын ашыкча пайдаланганы боюнча жетиштүү далилдер бар экендиги тууралуу бир нече пресс-релиздер берилген. Буга карабастан бул абал коомчулуктун реакциясына кабылып жатат.

Бул кырдаалды эске алуу менен, тергөөдө менин эч кандай кызыкчылыгым жок экендигин көрсөтүү үчүн Улуттук коопсуздук мамлекеттик комитетинин төрагасы кызматынан кетүүнү чечтим", - деп билдирген ал.

Кадыркулов бул кызматка өткөн жылдын апрель айында дайындалган.



Ресторан, тендер, паспорт...УКМКнын төрагасы кызматтан кетти

Автор: Кызжибек Раимова
Оператор: Руслан Алыбаев
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126672;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: