реклама
super.kg logo

Нейрохирургиялык операциялардын 80 пайызы Кыргыз жеринде жасалат

 

Өлкөдө ар кандай ооруга чалдыгып, шашылыш түрдө баасы асман чапчыган операцияга муктаж болуп, каражаттын тартыштыгынан элден акча сурап кайрылгандар күн санап өсүп барат. Алардын айрымдары жергиликтүү медицинанын мүмкүнчүлүктөрү тууралуу кабардар болбогондуктан, чет өлкөдөн дарылануунун жолдорун издейт.

Жергиликтүү дарыгерлердин айтымында, чет жердеги жана биздин өлкөдөгү медициналык мүмкүнчүлүктөр дээрлик бирдей. Маселен, акыркы 20 жылда Кыргыз жергесиндеги медицинага нейрохирургиялык операциянын 20 түрү кошулду. Бул жалпы нейрохирургиялык операция түрлөрүнүн 80 пайызын түзөт. Операция борбордогу улуттук госпиталдын алдындагы нейрохирургия бөлүмүндө жасалат.

Буранбек Дюшеев

Аталган бөлүмдүн бөлүм башчысы, 38 жылдан бери ушул тармакта иштеп келе жаткан дарыгер- нейрохирург Буранбек Дюшеев бүгүнкү күнү кыргыз медицинасынын, анын ичинде нейрохирургиянын өнүгүп калганын айтат.

“Биздин өлкөдөгү медициналык абалдын деңгээли төмөн деген пессимисттик ойдон алысмын. Биздин дарыгерлер да чет өлкөлөргө барып, окуп, тиешелүү билим алып келип жатышат. Жалпысынан мурдагыга караганда алгылыктуу жылыш бар. Бүгүнкү күндө медициналык туризм өнүгүп, кыргыз жергесинде чет өлкөлүк медициналык кызматтардын жарнамалары көбөйүп кеткенин көрүп жатабыз. Ошол эле операцияларды бизден жасатса болот. Анткени акыркы 20 жылда 20дай нейрохирургиялык операциянын түрү кошулду, жалпысынан бардык нейрохирургиялык операция түрлөрүнүнүн 80 пайызын жасайбыз”, - деди ал.

Байымбет Талайбек уулу

Дагы бир нейрохирург Байымбет Талайбек уулу операциянын баасы тууралуу төмөнкүлөргө токтолду: “Бул жер мамлекеттик бейтапкана болгондуктан, операциялар бекер жасалат. Болгону ар бир бейтаптын камсыздандыруу полисине жараша майда-барат чыгымдар төлөнөт”.

Борбордогу улуттук госпиталдын алдындагы нейрохирургия бөлүмү менен кененирээк төмөндөгү видеоматериал аркылуу тааныша аласыз.



Нейрохирургиялык операциялардын 80 пайызы Кыргыз жеринде жасалат

Автор: Алтынай Тынышова
Оператор: Кайрат Сарбагышов
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(4)
15.05.2019. 19:36 
Тайпасы:
Жаран
Комментарийлердин саны:
27
Катталган:
08-07-2011
Соӊку аракети:
25-05-2019 09:51
Жынысы:
Белгисиз
+4
Операциясынын 80% ийгиликтуу болсо да жакшы болмок. Нейрохирургия операциясы бир болсоо болот же болбосо жок деп жасашат.
15.05.2019. 21:29 
Тайпасы:
Жаран
Комментарийлердин саны:
475
Катталган:
09-09-2015
Соӊку аракети:
25-05-2019 09:12
Жынысы:
Белгисиз
+2
Бекер жасалат...анча мынча чыгымдар төлөнөт...ммм.. билебиз анча мынча чыгымдар канча доллар экенин. Досумдун чекеси жарылып барсак мээге кан куюлуп кетиши мүмкүн деп коркутуп 100 доллар алышкан. Кийин билсек мындай эле тигип койушуптур
15.05.2019. 23:17 
Тайпасы:
Жаран
Комментарийлердин саны:
2
Катталган:
26-05-2013
Соӊку аракети:
25-05-2019 08:58
Жынысы:
Белгисиз
+1
Онуккон болсо неге Казахстанга жонотуп жатышат,ал жак кучтуу, оборудование жаны деп,мисалы:Аневризмаларды жасашпайт,биз жарып алабыз деп,менин апамдыкын жасабай коюшту,Алматыга жонотушту 15000$ жасашты,2айдан кийин подружкамдын апасыныкы точно ушундай диагноз мн 10000$операция болду,бизде оборудование болсо жасашса арзаныраак тушот эле да,акчасы жоктор кантип атат.
16.05.2019. 17:13 
Тайпасы:
Жаран
Комментарийлердин саны:
3
Катталган:
13-04-2015
Соӊку аракети:
24-05-2019 10:07
Жынысы:
Белгисиз
0
Мамлекеттик ооурканалар качантан бери бекер болуп калган, башка мамлекеттин жазганыбы деп карасам өзүбүздүн эле кыргыз врачтар айтып атыптыр :)). Оорукананын эшигин аттагандан баштап айыгып чыкканга чейин акча го, жада калса медсестра коркутат, копельница сайбай койом чай чакасын берип кой деп. Ушул врачтар эч кимден акча сурабай эле операцияны жасай турган болсо, биринчиден сооп болот, экинчиден айыгып кеткен адам чын жүрөктөн (ошол сураган акчасынан да көп) акча төлөп бермек.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126839;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: