super.kg logo

Белгилүү актёр Роберт Де Ниронун жарнамалык роликте аткарган ролу мактоого татыды

 

Белгилүү актёр Роберт Де Ниро британиялык Warburtons Bread аттуу нан азыктарын чыгарган компаниясынын жарнамалык ролигине тартылды. Чет элдик басылмалар актёрдун бул акыркы жылдардагы эң мыкты ролу деп жазышууда.

Роликте Роберт Де Ниро кылмыш тобунун лидеринин ролун аткарат. Ал өзүнүн компаниясына атаандаш болгон Warburtons'тун жетекчисине келип, рынокто №1 болорун айтат. Ал үчүн Де Ниро атаандаш компаниянын таңгактарына өзүнүн компаниясынын атын түнү менен чаптап чыгат. Ошондой эле ал түнү менен дүкөндөрдө өзүнүн тегерек нандарын тизип, ал эми берки компаниянын нандарын жерге көмүп салат.

Америкалык белгилүү актёр, режиссёр жана продюсер 76 жаштагы Роберт Де Ниро - "Оскар", "Алтын глобус" сыйлыктарынын ээси. Ал "Өкүл ата" ("Крёстный отец"), "Ойгонуу" ("Пробуждение"), "Ата-эне менен таанышуу" ("Знакомство с родителями"), "Стажёр", "Казино" жана башка тасмаларда образ жараткан.



Роберт Де Ниро тартылган жарнамалык ролик

 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126804;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: