super.kg logo

"Кыргыз көмүр" ишканасынын натыйжалуу ишмердүүлүгүн камсыздаган механизмдерди иштеп чыгуу тапшырылды

 

Премьер-министр Мухаммедкалый Абылгазиев Нарын облусуна жумуш сапарынын алкагында "Кара-Кече" көмүр кенинин ишмердүүлүгү менен таанышты. Бул тууралуу кечээ, 24-майда өкмөттүн басма сөз кызматы билдирди.

Маалыматка ылайык, өкмөттүн Нарын облусундагы ыйгарым укуктуу өкүлү Аманбай Кайыпов белгилегендей, жыл сайын көмүр казуу көлөмү көбөйүп жатат. "2013-жылы казуу көлөмү 1 миллион 425 миң тонна көмүрдү түзсө, 2018-жылы 2 миллион 3 миң тоннага жеткен. Республиканын бюджеттик уюмдарына, Бишкек ЖЭБине ата мекендик көмүрдү ташууда оңдуу натыйжалар бар. Эгерде 2016-2017-жылдары күз-кыш мезгилине 385 миң тонна көмүр жеткирилсе, 2018-2019-жылдары 600 миң тонна, 2019-2020-жылдардын күз-кыш мезгилине 740 миң тонна катуу отун ташуу пландалууда", - деди ал.

"Кыргыз көмүр" мамлекеттик ишканасынын директору Канатбек Ашырбаев маалымдагандай, акыркы 5 жылда ишкана тарабынан көмүр казуу көлөмү 63 миң тоннадан 460 миң тоннага чейин көбөйгөн, 2019-жылы 550 миң тонна казуу күтүлүүдө.

Абылгазиев белгилегендей, "Кара-Кече" көмүр кенин комплекстүү өздөштүрүү облусту экономикалык өнүктүрүүнү шарттап, жергиликтүү жашоочулардын жашоо деңгээлине таасири тиет.

Премьер-министр республиканын жана региондун кызыкчылыгында "Кыргыз көмүр" мамлекеттик ишканасынын натыйжалуу ишмердүүлүгүн камсыздаган конкреттүү механизмдерди иштеп чыгууну тапшырды.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
127829;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: