super.kg logo
  Саясат  

Кыргыз өлкөсү менен Монголиянын ортосунда кол коюлган документтердин тизмеси

 

Бүгүн, 12-июнда өлкө башчы Сооронбай Жээнбеков менен Монголиянын президенти Халтмаагийн Баттулганын расмий жолугушуусу болуп өттү. Алгач Монголиянын президенти "Ата-Бейит" мемориалдык комплексине барып гүлчамбар коюу аземине катышты. Андан соң "Ала-Арча" мамлекеттик резиденциясына келип өлкө башчы менен жолукту.

Жолугушуу учурунда өлкө башчылары алдыга коюлган пландары менен бөлүшүп, тыгыз кызматташууга даяр экенин билдиришти. Мындан сырткары жолугушуунун жыйынтыгы менен 9 келишимге кол коюлду.

Кол коюлган документтердин тизмеси:

- Кыргыз Республикасынын өкмөтү менен Монголия өкмөтүнүн ортосундагы терроризм менен күрөшүүдө кызматташуу жөнүндөгү макулдашуу;

- Кыргыз Республикасынын өкмөтү менен Монголия өкмөтүнүн ортосундагы аскерий жаатта кызматташуу жөнүндө макулдашуу;

- Кыргыз Республикасынын Коопсуздук кеңешинин катчылыгы менен Монголиянын Улуттук коопсуздук катчылыгынын ортосундагы кызматташуу жөнүндө протокол;

- Кыргыз Республикасынын Билим берүү жана илим министрлиги менен Монголиянын Билим берүү, маданият, спорт жана илим министрлигинин ортосундагы өз ара түшүнүшүү жөнүндө меморандум;

-Кыргыз Республикасынын Маданият, маалымат жана туризм министрлиги менен Монголиянын Айлана-чөйрө жана туризм министрлигинин ортосундагы туризм жаатында кызматташуу жөнүндө меморандум;

- Кыргыз Республикасынын өкмөтүнө караштуу Интеллектуалдык менчик жана инновациялар мамлекеттик кызматы менен Монголиянын Интеллектуалдык менчик боюнча ведомствосунун ортосундагы интеллектуалдык менчик жана билим укугун коргоо жаатында кызматташуу тууралуу макулдашуу;

- Кыргыз Республикасынын Ысык-Көл облусу менен Монголиянын Увс аймагынын ортосундагы соода-экономикалык жана маданий-гуманитардык кызматташтык жөнүндө меморандум;

- Кыргыз Республикасынын өкмөтүнө караштуу Мамлекеттик каттоо кызматы менен Монголия Башкы архив башкармалыгынын ортосундагы кызматташтык жөнүндө меморандум;

- Кыргыз Республикасынын Илимдер академиясы менен Монголия Илимдер академиясынын ортосундагы өз ара түшүнүшүү жөнүндө меморандум.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
128088;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: