Бүгүн, 12-июнда Бишкектеги тойканалардын биринде ырчы, алып баруучу Анжеликанын 30 жылдык юбилейине арналган шоу-концерти башталды.
Шоу 18:30га белгиленгенине карабай, кечигип 21:00дө башталды.
Концертке Анжелика кызыл килем үстүндө унаа менен келди. Аны топтолгон күйөрмандарды тосуп алды. Андан соң кечеге келген ырчынын коноктору тойкананын ичинде даярдалган даамдардан ооз тийишти.
Ырчынын 30 жылдык юбилейинде алып баруучулук кызматты Эркин Рыскулбеков аркалап жатат.
Анжеликанын юбилейлик концертине коңшу Казакстандын шоу-бизнес өкүлдөрү да келишкен. Ырчыны куттуктап келген "Rin'Go" тобу репертуарындагы популярдуу чыгармаларын аткарууда.
Ошондой эле Анжелика кыздары менен биргеликте жаңы чыгармасын ырдап, конокторго жагымдуу маанай тартуулоону улантып жатат.