Араванда Түштүк-Фергана каналына агып кеткен 22 жаштагы келиндин жансыз денеси Өзбекстандан табылды

Ош облусунун Араван районунда Түштүк-Фергана каналына түшүп кеткен эки адамдын биринин жансыз денеси табылды. Бул тууралуу ӨКМнын басма сөз кызматынан билдирди.

"Аравандын Нур-Абад айыл аймагына караштуу Кайрагач-Арык айылындагы Түштүк-Фергана каналына агып кеткен жубайлардын биринин сөөгү 22-июнда Өзбекстандан табылган. Эртеси туугандары барып таанып, алып кетишкен", - деп жазылат маалыматта.

20-июнь күнү Кайрагач-Арык айылынын тургундары 1986-жылы туулган Х.Х. жана 1997-жылы туулган А.Г. каналга агып кеткен.