Өлкөдө унааны каттатуу арзандайт

Кыргыз өлкөсүндө унааны каттоо жана кайра каттатуу 1-августтан тарта 589 сомго түшөт. Бул тууралуу Мамлекеттик каттоо кызматынын басма сөз кызматы кабарлады.

Белгилүү болгондой, 14-июнда тендердин жыйынтыгы чыгарылып, унааларды каттоо жөнүндөгү күбөлүктөрдүн бланкаларын даярдай турган "Госзнак" ЖЧКсы менен келишим түзүлгөн.

"Жаңы түзүлгөн келишимдин шарты боюнча бир бланканын баасы 192 сомду түзөт, бул мурдагыга салыштырмалуу 4 эсе арзан. Буга чейинки компания бир бланканы 10 евродон жеткирип турган. Эми евронун наркынан көз каранды болбош үчүн бланкалардын баасы сом менен бааланат", - деп билдирди басма сөз кызматы.

1-августтан тарта унааларды каттоо жана кайра каттатуу мурдагыдай эле 920 сомду түзөт, бирок бланка 192 сомдон (мурдагы баасы 781 сом 50 тыйын) берилет.

Мамлекеттик номердин баасы дагы мурдагыдай эле - 788 сом. Натыйжада каттоо азыркыдай 2 миң 489 сом 50 тыйын эмес, 1 миң 900 сомду түзөт.

Компания бланкаларды бир ай мурда жеткирүүнү убада кылган. Мындан улам алар 1-августтан тарта бериле баштайт.

18:56 25-06-2019

Автор: Айзада Тураркулова
Фото: Айзада Тураркулова

Жазылуу

РУБРИКАДАГЫ СОҢКУ КАБАРЛАР

13:52 2024-04-24 | Кылмыштар, кырсыктар

Оштун борборундагы 4 кабаттуу үй жер тилкеси менен мамлекетке кайтарылды 59 0

13:34 2024-04-24 | Саясат

Садыр Жапаров Курманкул Зулушев менен Мелис Тургунбаевге сөгүш жарыялады 326 0

13:11 2024-04-24 | Коом жана турмуш

Өлкөдө 1-майдан тартып электр энергиясына болгон тарифтер жогорулайт 245 0

13:00 2024-04-24 | Түркүн дүйнө

Казакстанда аскерге кеткен уулун 28 жыл күткөн эне акыры жолукту (видео) 1061 0

12:43 2024-04-24 | Коом жана турмуш

Эртең Бишкектин бир бөлүгүндө суу берилбейт 171 0

12:17 2024-04-24 | Саясат

Депутаттар ӨКМнын Жогорку Кеңеште маалымат беришин талап кылды 246 0

Архив

Комментарийлер (5)

Chungyz

2019-06-25 19:01:56

Элди алдап секин дагы которуп коюшат баасын

tular

2019-06-25 19:48:02

Арзандайт деп туруп, кайра ошол эле баада сатылат дейтго?! Кыргызча жазып бирок маанаси жоголуп кетиптирго??? Же туура эмес которулганбы???

karakozum

2019-06-26 10:20:16

tular, 1-августтан тарта унааларды каттоо жана кайра каттатуу мурдагыдай эле 920 сомду түзөт, бирок бланка 192 сомдон (мурдагы баасы 781 сом 50 тыйын) берилет деп турат го.
Мурун бир бланкага 781, 5 сом төлөсөк эми 192 сомдон гана толой баштайт экенбиз, ошондо мурун каттоо учун 920+781.5+788=2489.5 сом толосок, эми бланка арзандап 920+192+788=1900 сом төлөп калат экенбиз.

Aidar.001

2019-06-25 21:27:40

2 мин 498 сом 50 тыйын эмей эле, 4 мин сомдон жогору болот го матиздин озуно эле, коррупция жок, коррупция жооок!

-5

didu

2019-06-26 22:37:56

россиядан алынып келингендер кандай болот жазып койгулачы

Комментарий калтыруу үчүн өз ысымыңыз менен кириңиз же каттоодон өтүңүз.