Саат 8:30га карата Бишкек-Нарын-Торугарт жолу ачык турат

Бүгүн, 7-августта саат 8:30га карата Бишкек-Нарын-Торугарт жолу ачык. Учурда Он-Арча айылында 5-6 боз үй тигилип турат. Кечээ Солтон-Сарыдан чыккан жергиликтүү жашоочулардын айрымдары Бишкек-Нарын-Торугарт жолун жабуу үчүн Он-Арча айылына келишип, боз үй тигишкен.

3-августта Солтон-Сарыдагы алтын кенин иштеткен "Zhong Ji Mining" кытай компаниясы менен жергиликтүү жашоочулардын ортосунда пикир келишпестик чыккан. Чыр 5-августта да уланып, 500дөн ашык адам чогулуп, кен комбинатын куруп жаткан кытайлык "Zhong Ji Mining" компаниясына барган. Алар компаниянын кызматкерлерин кендин аймагынан чыгып кетүүсүн талап кылышты.

Автор: Айсалкын Качкынбекова