Интернет желесине Курманбек Бакиевдин көпчүлүктүн арасында бийлеп жаткандагы видеосу тарады. Анда анын "Жалал-Абад" аттуу ырдын коштоосунда көңүлдүү бийлеп жаткандагы учуру тартылган.
Ал жактагылардын биринен "Мына, Курманбек Салиевич жеңе менен бийлеп жатат", - деп айтканын угууга болот.
Интернет колдонуучуларынын арасында "Атамбаевдин камалышынын урматына шапар тээп жатат", "Бири камалып жатса, экинчиси бийлеп жүрөт"," Бийчи" деген өңдүү билдирүүлөр жазылган.
Бул Бакиевдин коомго жайылган биринчи бийи эмес. Ал 2007-жылы 31-август өлкөнүн Эгемендүүлүк күнү белгиленип жатканда "Ала-Тоо" аянтында "Андижан полькасына" бийлеген.