Бүгүн, 20-августта саат 15:00дө Өмүрбек Бабанов УКМКга суракка кирип кеткен. Андан бери 3 саат өттү, ал чыга элек.
Бул арада саясатчыны ташып жүргөн унааны Жол кыймылынын коопсуздугун көзөмөлдөө кызматы айып аянтчасына алып кетишти. Жол коопсуздугунун кызматкерлери муну унаанын алдыңкы терезелеринин дагы караңгылатылгандыгы менен түшүндүрүштү.
Кечээ, 19-августта Өмүрбек Бабанов Финполдо сурак берген. Төрт сааттык сурак учурунда Бабановду ушул унаалар менен күтүп турушкан. Мындан тышкары, Бабанов 9-августта өлкөгө кайтып келгенде ушул унаа да аны тосуп алган унаалардын катарында бар болчу.