Ырчылар Аваз Акимов менен Айдана Дека саналуу күндөрдөн кийин Талас шаарындагы күйөрмандарына жеке концертин тартуулайт. Учурда концертке даярдыктар көрүлүп жатат. Концерттин аталышы "Той концерт". Афишадан кийин көпчүлүк интернет колдонуучулары "Картайганда жөн эле койбоптур да", "Кечээ эле үйлөнгөндөй болушуп...", "Той концертиңер бүтө элекпи?" деген жана башка пикирлерин жазышкан.
31-августта боло турган концерттин аталышы көпчүлүктүн талкуусуна калды. Айтылып жаткан сын-пикирлерге карата Аваз Акимов буларга токтолду.
"Концерттин аталышы той болгону менен шоу концерт эле болот. Болгону уюштуруучулар аталышын той деп коюуну сунуштап, биз макул болгонбуз. Анын үстүнө Айдана экөөбүз баш кошкондон бери Таласка концерт коё элек болчубуз. Негизи биз той концерт өткөргөн эмеспиз. Үйлөнгөнгө чейин биргелешкен концертибизди өлкөнүн ар кайсы аймактарына барып коюп келгенбиз", - деди ал.