"Эртең менин эне тилим жоголсо, анда бүгүн жанымды кыюуга даярмын". Удмуртияда илимпоз өзүнө өрт коюп, алган оор жаракатынан улам каза болду

Удмуртияда илимпоз 79 жаштагы Альберт Разин Мамлекеттик кеңештин имаратынын кире беришинде өзүн-өзү өрттөөгө аракет кылган. Жыйынтыгында денесинин 100 пайызы күйүп калган. Бул тууралуу чет элдик басылмалар жазып чыгышты.

Маалым болгондой, илимпоз балдар удмурт тилин окуп, үйрөнүп жана аны унутпашы үчүн күрөшкөн. Ал денесинин 100 пайызы күйгөн абалда ооруканага түшүп, алган оор жаракатынан улам каза болду.

"Жабырлануучу удмурт тилин сактоо үчүн күрөшкөн. Буга чейин ал өлкө депутаттарына "удмурт улуту жоголот. Биз аны сактап калышыбыз керек" деген чакырык таштап келген. Мамлекеттик кеңештин имаратынын алдына "Эртең менин эне тилим жоголсо, анда бүгүн жанымды кыюуга даярмын" деген жазуусу бар плакат көтөрүп кайрылуу жасаган. Ал Удмуртиядагы клиникалык оорукананын жандандыруу бөлүмүндө жатып, 79 жашында каза болду", - деп жазылат маалыматта.

Удмуртия Республикасынын эмгек сиңирген ишмери, философия илимдеринин кандидаты, доцент Альберт Разин 1940-жылы 12-июнда төрөлгөн. Ал Удмуртия мамлекеттик университетинде иштеп келген.

Удмуртия Орусия Федерациясындагы республика. Республикада удмурт, орус жана татар улутундагы элдер басымдуулук кылат.

19:09 10-09-2019

Автор: Айжанар Рыспек кызы

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 318 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 704 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 584 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 559 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 434 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 913 0

Архив

Комментарийлер (10)

kechirmeni

2019-09-10 19:14:59

Буга чейин укпаган экемин мындай улутту. Чындап эле жоголуп кетиши мүмкүн экен эле да. Жакындарына элине сабыр

Kyrgyz_bloger

2019-09-10 19:19:16

Кыргыздын тилинин тагдыры дагы ушундай жоголуу коркунучуна келиши мумкун туштуктогу кыргыздар озбекче аралаштырып суйлошот,борбор шаар болсо орусча болуп кетти Россияда жургондой болосун.

Saidochka

2019-09-10 19:40:52

Kyrgyz_bloger,"Жер бетинде кыргыз деген эл жашап турган учурда,кыргыз тили да жашай берет"-деген Чыңгыз ата

Mamiev

2019-09-10 20:03:13

Kyrgyz_bloger,түзштук тарап эч качан Өзбекче сүйлөбөйт. Болгону ар областтын өзүнчө суйломдо өзгөчөлүктөрү бар. Түштук бияк десе түндүк тияк дегендей. Сөзүнө тушуносун болгону өзбектер түштүктө көп болгон үчүн тили бир аз бурулуп кеткен

Saidochka

2019-09-10 19:30:05

"Таң эрте тил өмүрү бүтөт"десе,
Күн менен уккан кечте кошо батам,-
деген экен кайран акын А .Токтомушев

Leilek91

2019-09-10 19:52:44

Ит деле Оз тилинде урот экен
Итчелик жоксунарбы деген экен "бироо"

+13

Makul

2019-09-10 20:25:07

Биздин тил деле жоголуу коркунучунда. Бирок ал үчүн эч ким өзүн өрттөмөк тургай ойлонуп да койбойт

+10

kurstan_810502

2019-09-10 23:07:56

Шаарда иттер орусча урот экен дейт бир карындашым кантип десем гав гав деп урот экен орусча кыргызча кантип урот десем ав ав дейт

raikakyz

2019-09-11 12:34:42

kurstan_810502,Ха ха го

gitaris93

2019-09-10 23:19:42

Улут болсом, -
тилим менен улутмун!

Анткени тил –
Ар улуттун улуттугун аныктаар,
Паспорту да,
Мандаты да,
Метрикасы улуттун!

Эсенгул Ибраев, Кыргыз Эл акыны

Комментарий калтыруу үчүн өз ысымыңыз менен кириңиз же каттоодон өтүңүз.