Кыргыз-Тажик мамлекеттик чек ара тилкесинде абал туруктуу. Бул тууралуу бүгүн, 18-сентябрда Мамлекеттик чек ара кызматынан билдиришти.
Маалыматка ылайык, Кыргыз-Тажик чек ара тилкесинде жалпысынан 5 өткөрүү жайы иштейт. Анын ичинен төртөө күнүмдүк тартипте иштеп жатат. Ал эми Кулунду-унаа жол көзөмөл өткөрүү жайы 17-сентябрда убактылуу токтогон. Үчүнчү өлкөнүн жарандары бул өткөрүү жайынан эч кандай чектөөсүз өтө алышат. Ошондой эле чек ара кызматкерлери күчөтүлгөн тартипте иштеп жатышат.