Шайлоо даярдыгы башталдыбы? Өкмөттүн басма сөз кызматы премьер Абылгазиев үй-бүлөсү менен көчөт тикти деп маалымат таратты

Бүгүн, 21-сентябрда дүйнө жүзү боюнча, анын ичинде Кыргыз мамлекетинде «Бүткүл дүйнөлүк тазалык күнү» (World Clean Up Day) глобалдык экологиялык жарандык акциясы өтүп жатат. Бул акциянын максаты коомдук жайларды таштандыдан тазалоо жана ресурстарды сарамжалдуу пайдалануу жана калдыктарды туура жок кылуу аркылуу айлана чөйрөнү коргоо болуп саналат. Анын алкагында, премьер-министр Мухаммедкалый Абылгазиев үй-бүлөсү менен бирге Бишкек шаарынын түштүгүндө жайгашкан «Ынтымак» ачык сейил багынын аймагына бир нече көчөт отургузду.

«Мен бүгүн атайын чыгып, борбор калаабызды жашылдандырууга өз салымымды кошууну чечтим. Бош жер турса, ал жакта эмне курууга боло турганын олуттуу ойлонуу керек, бул сөзсүз эле үй же башка объект болушу кажет эмес. Эл сейилдеп, таза аба менен дем алып, бош убактысын өткөрө турган эс алуу жайларына муктаж. Ошондуктан биз борборубузга эң жашыл шаарлардын бири деген атагын кайрадан кайтарууга умтулабыз», - деди өкмөт башчы.

Андан соң премьер-министр өкмөттүк аппараттын кызматкерлери жана «Эко Деми» коомдук фондунун өкүлдөрү менен биргеликте Чыңгыз Айтматов кең көчөсүндөгү катуу тиричилик калдыктарын жана полиэтилен баштыктарды тазалоо боюнча ишембиликке катышты.

«Мен бүгүн ишембиликке бекеринен балдарымды ээрчитип чыккан жокмун. Бул сапаттарды бала чактан калыптандыруу керек», - деди Мухаммедкалый Абылгазиев.

Акыркы учурда Жогорку Кеңешке шайлоо мөөнөтүнөн мурун өтөт деген кептер тыйылбай жатат. Буга карата парламенттин спикери да өз позициясын билдирген.

Саясатта шайлоо жакындап калганда, ага катыша тургандар өзүн элге жакын көрсөтүүгө аракет кылып, атүгүл үй-бүлөсүн да эл көзүнө алып чыга баштары көнүмүшкө айланган.

15:35 21-09-2019

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

22:17 2024-04-18 | Саясат

Садыр Жапаров менен Касым-Жомарт Токаев Казакстанда эки өлкөнүн өнөрпоздорунун концертине катышты 447 0

21:55 2024-04-18 | Коом жана турмуш

Астанада активдүү жаштардын катышуусунда II Казак-Кыргыз жаштар форуму өтүүдө 290 0

21:36 2024-04-18 | Спорт

Бишкекте төрт күнгө созулган бокс боюнча эл аралык мелдеш башталды 237 0

20:45 2024-04-18 | Коом жана турмуш

"Манас" театрынын жаңы имаратын ачуу аземинен ирмемдер (сүрөт) 574 0

20:20 2024-04-18 | Коом жана турмуш

Орусия Таластагы билим берүү мекемелерине компьютер жана робототехника берди 403 0

19:11 2024-04-18 | Саясат

Садыр Жапаров расмий сапары менен Казакстанга барды. Президентти аэропорттон Токаев өзү тосуп алды (сүрөт) 1423 0

Архив

Комментарийлер (5)

isarti

2019-09-21 18:05:59

Жакшы пиар экен.

baisogur

2019-09-21 19:06:09

Ушул жерденда саясат издеген супер инфого таарындым бак тиксе жаманбы тазалык ишине катышса жаманбы элим газетадан саясатты окуп ичибиз бышты келгилечи озубузду бир башка нукка буруп оз алдыбызча рухубузду которо турган макала окуй турган гезит беттери пайда болсунчу дегендер барбы класс басы

-1

bond02

2019-09-21 19:31:26

Жазда тикпеген кочот эми эсине келиптирби.

Kylychisa

2019-09-22 00:11:34

молодец деп койсонор болотко эми .жатып алып сындабай

Jelezo

2019-09-22 16:33:43

Биз кыргыздар өтө ашыкча ичи тар көрө албас болуп баратабыз, каныбызда бар окшойт. Рааматылык Э. Турсуналиев атабыз өмүр бою элге бекер ырдап берчүү эле акырында шым ууру деп жалгандан жаманатты кылышкан.

Комментарий калтыруу үчүн өз ысымыңыз менен кириңиз же каттоодон өтүңүз.